ຄະນະໂຄນາອົບຮົມແຂວງສາລະວັນ ປະຊຸມທາງໄກ ກັບຄະນະໂຄສະນາອົບຮົມ 8 ເມືອງ ປະຈໍາທິດ.

ໃນເຊົ້າວັນທີ 13 ກັນຍາ 2021 ນີ້, ຄະນະໂຄສະນາອົບ ຮົມແຂວງສາລະວັນ ປະຊຸມທາງໄກ ວີດີໂອຄອນເຟເຣນ ກັບຄະນະໂຄສະນາອົບຮົມ 8 ເມືອງ ໃຫ້ກຽດເຂົ້າຮ່ວມເປັນປະທານ ຂອງທ່ານ ຈັນສະໝອນ ພົມມະແສງ ຄະ ນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ມີຮອງຫົວໜ້າຄະນະໂຄສະນາອົບຮົມແຂວງ, ບັນດາທ່ານ ຄະນະໂຄສະນາອົບຮົມ 8 ເມືອງ, ຫົວ ໜ້າຂະແໜງ ພາຍໃນຄະນະໂຄສະນາອົບຮົມແຂວງ ເຂົ້າ ຮ່ວມ. ໃນກອງປະຊຸມໄດ້ຮັບຟັງການລາຍງານ ຈາກຄະ ນະໂຄ ສະນາອົບຮົມເມືອງ ເຊິ່ງສັງລວມແລ້ວ ມີ 2 ວຽກໃຫຍ່ເປັນຕົ້ນແມ່ນວຽກງານການຈັດຕັ້ງປະ ຕິບັດມາດ ຕາການ ສະກັດກັ້ນ, ຕ້ານ ແລະ ປ້ອງກັນໂຄວິດ-19 ແລະ ຜົນກະ ທົບຈາກໄພພິບັດ ທາງທໍາມະຊາດ ເຊັ່ນ : ພາຍຸໂກມເຊີນ ພັດຜ່ານເຂົ້າແຂວງສາລະວັນ ເຊິ່ງເຮັດໃຫ້ເມືອງ ສາລະວັນ, ເລົ່າງາມ ແລະ ເມືອງຄົງເຊໂດນ ຮັບຜົນກະທົບ ຈາກພາຍຸດັ່ງກ່າວ ເຮັດໃຫ້ປະຊາຊົນ ເສຍຊີວິດ, ບາດເຈັບ, ເຮືືອນຊານບ້ານຊ່ອງ ຖືກເປ້ເພ, ຕະຫຼອດສັດລ້ຽງ ຖືກເສຍຫາຍ ແລະລົ້ມຕາຍ.

ໃນກອງປະຊຸມ ທ່ານ ຈັນສຸກ ຟົງທະລາ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ໄດ້ຜ່ານຂໍ້ຕົກ ລົງ ສະບັບເລກທີ 677/ຈຂ ,ສວ, ລົງວັນທີ 7/9/2021 ວ່າດ້ວຍການຕົກລົງແຕ່ງຕັ້ງ ຫົວໜ້າຂະແໜງ ແລະ ຮອງຂະແໜງ ຂອງຄະນະໂຄສະນາອົບຮົມແຂວງ ເຊິ່ງເຈົ້າແຂວງ ສາລະວັນ ໄດ້ຕົກລົງແຕ່ງຕັ້ງ ທ່ານ ນາງດາວັນ ດວງບຸດດາ ຈາກຮັກສາການຫົວໜ້າຫ້ອງການ ມາເປັນຫົວໜ້າຫ້ອງການ ແລະ ແຕ່ງຕັ້ງທ່ານ ນາງ ພິມລັດດາ ພັກດີ ຈາກວິຊາການ ມາເປັນຮອງຫົວໜ້າຫ້ອງການ. ຈາກນັ້ນ, ທ່ານ ຍັງໄດ້ເຜີຍແຜ່ນິຕິກໍາຈໍານວນໜື່ງ ເປັນຕົ້ນແມ່ນຂໍ້ກໍານົດ ພາລະບົດບາດ, ສິດ ແລະ ໜ້າທີ່ ຂອງຄະນະໂຄສະນາອົບ ຮົມ.

ໂອກາດດຽວກັນນີ້, ທ່ານ ຈັນສະໝອນ ພົມມະແສງ ຄະ ນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ກໍໄດ້ມີຄໍາເຫັນໂອ້ລົມ ແລະໃຫ້ທິດຊີ້ນໍາ ກ່ອນອື່ນ ທ່ານ ໄດ້ຍ້ອງຍໍ ຊົມເຊີຍ ຕໍ່ຜົນສໍາເລັດ ໃນການເຮັດວຽກ ການເມືອງ-ແນວຄິດ ໃນ 1 ທິດຜ່ານມາ ແລະ ທ່ານ ໄດ້ໃຫ້ທິດຊີ້ນໍາ :

1. ຕໍ່ບັນດາທ່ານ ທີ່ໄດ້ຖືກແຕ່ງຕັ້ງເປັນພະນັກງານ-ນໍາພາຄຸ້ມຄອງ ຜູ້ທີ່ຖືກມອບໝາຍເປັນຫົວໜ້າຫ້ອງການ ແລະ ຮອງຫ້ອງການ ຂອງຄະນະໂຄສະນາອົບຮົມແຂວງ ຕ້ອງໄດ້ເພີ່ມທະວີຄວາມຮັບຜິດຊອບ ຕໍ່ໜ້າທີ່ວຽກງານ ຂອງຕົນໃຫ້ສູງຂຶ້ນ, ເອົາໃຈໃສ່ປະຕິບັດຕາມພາລະບົດບາດ, ສິດ ແລະ ໜ້າທີ່ ເປັນເສນາທິການ, ປະສານງານຫາພາກສ່ວນຕ່າງໆ ໃຫ້ແກ່ຄະນະໂຄສະນາອົບຮົມແຂວງ.

2. ຕໍ່ກັບວຽກງານວິຊາສະເພາະ ຂອງຕົນ ເປັນຕົ້ນແມ່ນວຽກອົບຮົມ, ວຽກສັງລວມຫາງສຽງສັງຄົມ, ໂຄສະນາປາຖະກະຖາ, ວຽກອົບຮົມ, ວຽກເປັນເສນາທິການ ໃຫ້ແກ່ຄະນະນໍາ ແລະ ວຽກເກັບກໍາຂໍ້ມູນຂ່າວສານ ກໍຕ້ອງເອົາ ໃຈໃສ່ໃນການຕິດຕາມຂໍ້ມູນຂ່າວສານ ບັນດາຫາງສຽງສັງຄົມ ນັບທັງດ້ານດີ ແລະດ້ານຫຍໍ້ທໍ້ ລາຍງານ ໃຫ້ຂັ້ນເທິງ ຢ່າງເປັນປົກກະຕິ. ແຕ່ລະເມືອງຕ້ອງເອົາໃຈໃສ່ ຕໍ່ວຽກງານເກັບກໍາຂໍ້ມູນຂ່າວສານ ກ່ຽວກັບການຕ້ານພະຍາດໂຄວິດ-19; ວຽກງານຕິດຕາມ, ກວດກາ ແລະ ລາຍ ງານສະພາບຫາງສຽງສັງຄົມ ຊ່ວຍຄະນະນໍາຂອງຕົນ ດ້ວຍຄວາມຮັບ ຜິດຊອບສູງ.

3. ແຕ່ລະເມືອງ ຕ້ອງເອົາໃຈໃສ່ ໃນການຕິດຕາມການເຄື່ອນໄຫວ ຂອງພະນັກງານຕົນ ໃຫ້ຢູ່ໃນຄວາມຮັບ ຜິດ ຊອບ, ບໍ່ອະນຸດໃຫ້ພະນັກງານ ຂອງຕົນ ເຄື່ອນໄຫວນອກກອບ, ແນະນໍາວິທີການຕ້ານ, ສະກັດກັ້ນ ແລະປ້ອງກັນພະຍາດໂຄວິດ-19 ຢ່າງເຂັ້ມງວດ ເປັນຕົ້ນແມ່ນການຮັກສາໄລຍະຫ່າງ, ມີການວັດແທກອຸນຫະພູມ, ລ້າງມືດ້ວຍເຈວ ຫຼື ສະບູ ແລະໃສ່ປາກປິດປາກ. ໃນຊ້ວງລ໋ອກດາວ ສໍາລັບຄະນະໂຄສະນາອົບຮົມເມືອງສາລະວັນ ໃຫ້ຜັນປ່ຽນກັນປະຈໍາການ ບໍ່ເກີນ 3 ຄົນ, ຄະນະໂຄສະນາອົບຮົມເມືອງເລົ່າງາມ ກໍ່ຕ້ອງປະຕິບັດຕາມຄໍາສັ່ງຂອງຄະນະສະເພາະກິດຂັ້ນເມືອງ, ນອກຈາກເມືອງສາລະວັນ ແລະ ເລົ່າງາມ ຕ້ອງມີສະຕິເຝົ້າລະວັງ ພ້ອມທັງປະຕິບັດຕາມຄໍາສັ່ງ ຂອງຄະນະສະເພາະກິດ ຂັ້ນແຂວງ ແລະ ເມືອງ ຢ່າງເຂັ້ມງວດ.

4. ຖ້າວ່າເມືອງໃດ ມີຈຸດປະສົງ ຢາກຊ່ວຍເຫຼືອຜູ້ທີ່ຖືກເຄາະຮ້າຍ ຈາກພາຍຸ ເປັນຕົ້ນແມ່ນ ບ້ານໂພນໃຜ່, ເມືອງສາລະວັນ ກໍສາມາດປະກອບສ່ວນໄດ້. ຈາກນັ້ນ, ທ່ານ ຍັງໄດ້ ແນະນໍາໃຫ້ແຕ່ລະເມືອງຕ້ອງເອົາໃຈໃສ່ຕິດຕາມຂໍ້ມູນຂ່າວສານ ຈາກກົມອຸຕຸນິຍົມ ແລະ ອຸທົກກະສາດ ຢ່າງໃກ້ຊິດ ກ່ຽວກັບພາຍຸ ໂກນເຊິນ ຕ້ອງເອົາໃຈໃສ່ປະ ສານສົມທົບ ກັບຄະນະນໍາຂັ້ນເມືອງ ຂອງຕົນ ແຈ້ງເຕື່ອນ ໃຫ້ປະຊາຊົນ ຜູ້ທີ່ຢູ່ຕາມລຽບແມ່ນໍ້າຕ່າງໆ ໃຫ້ມີສະຕິລະ ວັງຕົວສູງ, ຂົນຍ້າຍສິ່ງຂອງ ໄວ້ທີ່ສູງ. ພ້ອມດຽວກັນນັ້ນ, ກໍຕ້ອງເຝົ້າລະວັງ ພະຍາດຕາມລະດູການ ອາດຈະເກີດຂື້້ນ ເປັນຕົ້ນແມ່ນ ພະຍາດຖອກທ້ອງ, ພະຍາດໄຂ້ຍຸງເລືອດກ້າມ.

5. ມອບໃຫ້ຄະນະໂຄສະນາອົບຮົມເມືອງ ກວດຄືນບັນດາເອກະສານ ແລະ ນິຕິກໍາຕ່າງໆ ເປັນຕົ້ນແມ່ນ ຂໍ້ກໍານົດພາ ລະບົດບາດ ຂອງຄະນະໂຄສະນາອົບຮົມເມືອງ, ຂໍ້ຕົກລົງແຕ່ງຕັ້ງຍົກຍ້າຍການມາປະຈໍາການ, ຂໍ້ຕົກລົງຊັບຊ້ອນ ບັນຈຸພະນັກງານ ເຂົ້າໃສ່ຕໍາແໜ່ງງານ, ບັນດາໂຄງການຕ່າງໆ ສົ່ງໃຫ້ຄະນະໂຄສະນາອົບຮົມແຂວງ.

6. ຄະນະໂຄສະນາອົບຮົມເມືອງ ແຕ່ລະເມືອງ ຕ້ອງປະ ສານສົມທົບ ກັບອົງການປົກຄອງເມືອງ ຂອງຕົນ ເພື່ອສະ ເໜີເນື້ອທີ່ ເພື່ອທໍາການຜະລິດ ເຮັດທົດລອງ ໂຄງການ 3 ຕໍ ໃຫ້ໄປຕາມທິດ ວິຖີຊີວິດແບບໃໝ່.

ສາຍພົວພັນລາວ-ຫວຽດນາມ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

139328
ມື້ນີ້ມື້ນີ້79
ມື້ວານນີ້ມື້ວານນີ້105
ອາທິດນີ້ອາທິດນີ້725
ເດືອນນີ້ເດືອນນີ້1862
ທັງໝົດທັງໝົດ139328