ການຄະນະໂຄສະນາອົບຮົມແຂວງສາລະວັນ ປະຊຸມສ່ອງແສງວຽກງານການເມືອງ-ແນວຄິດ ຜ່ານແອັບກອງປະຊຸມທາງໄກ ຮ່ວມກັບຄະນະໂຄສະນາອົບຮົມ 8 ເມືອງ.

ໃນຕອນເຊົ້າຂອງວັນທີ 31 ພຶດສະພາ 2021 ນີ້, ຄະນະໂຄສະນາອົບຮົມແຂວງ ຮ່ວມກັບຄະນະໂຄສະນາອົບຮົມ 8 ເມືອງ ໄດ້ຈັດກອງປະຊຸມສ່ອງແສງລາຍງານວຽກງານການເມືອງ-ແນວຄິດ ແລະ ວຽກງານໂຄສະນາອົບຮົມ ຜ່ານແອັບກອງປະຊຸມທາງໄກ  ໂດຍການເປັນປະທານ ຂອງທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ໃຫ້ກຽດເຂົ້າຮ່ວມມີບັນດາທ່ານ ຫົວໜ້າ ແລະ ຮອງຄະນະໂຄສະນາອົບຮົມ 8 ເມືອງ, ຫົວໜ້າ ແລະຮອງຂະແໜງພາຍໃນຄະນະໂຄສະນາອົບຮົມແຂວງ. ໃນພິທີ ໄດ້ຮັບຟັງລາຍການງານວຽກງານການເມືອງ-ແນວຄິດ ແລະ ວຽກງານໂຄສະນາອົບຮົມ ຈາກຄະນະໂຄສະນາອົບຮົມເມືອງ. ຫຼັງຈາກນັ້ນ, ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ທ່ານ ໄດ້ມີຄໍາເຫັນຊີ້ນໍາຕື່ມ ດັ່ງນີ້:

1. ໃຫ້ບັນດາເມືອງເອົາໃຈໃສ່ຢ່າງເຂັ້ມງວດໃນການຕ້ານ, ສະກັດກັ້ນ, ປ້ອງກັນການແຜ່ລະບາດຂອງພະຍາດໂຄວິດ-19;

2. ເອົາໃຈໃສ່ເຜີຍແຜ່, ເຊື່ອມຊຶມເອກະສານ ສະບັບເລກທີ 67/ຄອຂ,ສວ, ລົງວັນທີ 25 ພຶດສະພາ 2021 ເລື່ອງ: ໃຫ້ເພີ່ມທະວີການຊີ້ນໍາວຽກງານການເມືອງ-ແນວຄິດ ໃນການສະກັດກັ້ນ, ປ້ອງກັນ, ຄວບຄຸມ ເເລະ ແກ້ໄຂພະຍາດໂຄວິດ-19;

 

3. ເອົາໃຈໃສ່ຈັດຕັ້ງປະຕິບັດວິຊາສະເພາະຂອງຕົນ ຢ່າງເປັນປົກກະຕິ ເປັນຕົ້ນແມ່ນ: ວຽກອົບຮົມ, ວຽກໂຄສະນາປາຖະກະຖາ, ວຽກສັງລວມເກັບກໍາຫາງສຽງ-ສັງຄົມ ແລະ ວຽກຂໍ້ມູນຂ່າວສານ ໃນນີ້, ທ່ານ ໄດ້ເນັ້ນໜັກໃຫ້ຄະນະໂຄສະນາອົບຮົມເມືອງ ຕ້ອງຮີບຮ້ອນໃນການໄປຂຶ້ນທະບຽນເຟສບຸກເມືອງຂອງຕົນ ເພື່ອຮັບໃຊ້ການໃນໂຄສະນາວຽກງານການເມືອງ-ແນວຄິດຂອງຕົນ ນໍາພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ໃຫ້ສໍາເລັດ;

4. ພາຍຫຼັງມີການຜ່ອນຜັນບາງມາດຕະການໃນການຕ້ານ, ສະກັດກັ້ນ ແລະ ປ້ອງກັນການແຜ່ລະບາດພະຍາດໂຄວິດ-19 ໃຫ້ແຕ່ລະເມືອງ ຈັດຕັ້ງການປາຖະກະຖາ, ຈັດອົບຮົມ ຕາມວຽກງານວິຊາສະເພາະຂອງຕົນ ແລະ ໃຫ້ແຕ່ລະເມືອງຈັດຕັ້ງປະຕິບັດຂຽນແຜນງານ, ໂຄງການ ແລ້ວສະເໜີຫາພາກສ່ວນທີ່ກ່ຽວຂ້ອງ.

5. ຮຽກຮ້ອງໃຫ້ຄະນະໂຄສະນາອົບຮົມແຕ່ລະເມືອງ ສືບຕໍ່ພົວພັນກັບຄະນະໂຄສະນາອົບຮົມແຂວງ ເປັນປົກກະຕິ ເພື່ອຈັດຕັ້ງປະຕິບັດຕາມຄໍາສັ່ງ 04/ຄລສພ, ລົງວັນທີ 10/7/2017 ແລະ ຄໍາແນະນໍາ 08/ຄອສພ, ລົງວັນທີ 31/7/2017.

ກອງປະຊຸມສ່ອງແສງລາຍງານວຽກງານການເມືອງ-ແນວຄິດ ແລະ ວຽກງານໂຄສະນາອົບຮົມ ປະຈໍາທິດ ຜ່ານແອັບກອງປະຊຸມທາງໄກ  ໄດ້ດໍາເນີນໄປເປັນເວລາ 1 ຄາບ ຈິ່ງປິດລົງດ້ວຍຜົນສໍາເລັດຢ່າງຈົບງາມ.

ສາຍພົວພັນລາວ-ຫວຽດນາມ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 4  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

146216
ມື້ນີ້ມື້ນີ້12
ມື້ວານນີ້ມື້ວານນີ້75
ອາທິດນີ້ອາທິດນີ້60
ເດືອນນີ້ເດືອນນີ້2628
ທັງໝົດທັງໝົດ146216