ມາໃນຕອນເຊົ້າຂອງວັນທີ 1 ມິຖຸນາ 2021 ນີ້ ຄະນະນໍາຂອງແຂວງສາລະວັນ, ຄະນະໂຄສະນາອົບຮົມແຂວງ ແລະ ພາກສ່ວນຕ່າງໆ ຮ່ວມກັບປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ຄົບຮອບ 41 ປີ ( 1 ມິຖຸນາ 1980-1 ມິຖຸນາ 2021 ຄະນະນໍາຂອງແຂວງ ເຊິ່ງນໍາໂດຍ ທ່ານ ປອ ໂພໄຊ ໄຊຍະສອນ ກຳມະການສູນກາງພັກ, ເລຂາພັກແຂວງ-ເຈົ້າແຂວງໆສາລະວັນ. ສໍາລັບຄະນະໂຄສະນາອົບຮົມແຂວງ ນໍາໂດຍທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ພາກສ່ວນຕ່າງໆ ໄດ້ຮ່ວມກັນປູກຕົ້ນໄມ້ຢູ່ທີ່ແຫຼ່ງທ່ອງທ່ຽວພູຜາສຸກ. ການປູກຕົ້ນໄມ້ຄັ້ງນີ້, ເພື່ອພື້ນຟູປ່າໃຫ້ມີຄວາມອຸດົມສົມບູນ, ເພື່ອເປັນການປົກປັກຮັກສາສິ່ງແວດລ້ອມ, ຫຼຸດຜ່ອນມົນລະພິດທາງອາກາດ.