ໜ່ວຍພັກຄະນະໂຄສະນາອົບຮົມແຂວງສາລະວັນ ປະກາດໜ່ວຍພັກປອດໃສ, ເຂັ້ມແຂງ ແລະໜັກແໜ້ນ

ສ້າງຂື້ນເມື່ອ ວັນອັງຄານ, 22 ມີຖຸນາ 2021 00:51
ຂຽນໂດຍ ຄອຂ ສາລະວັນ

 ວັນທີ 21 ມິຖຸນາ 2021 ນີ້ຢູ່ທີ່ຫ້ອງປະຊຸມຊັ້ນ II ຂອງຫ້ອງວ່າການແຂວງ ໄດ້ຈັດພິທີປະກາດເປັນໜ່ວຍພັກປອດໃສ, ເຂັ້ມແຂງ ແລະໜັກແໜ້ນ, ໂດຍການເປັນປະທານຂອງສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ,  ຫົວໜ້າຄະນະໂຄສະນາອົບຮົມແຂວງ ມີສະຫາຍ ເປັງ ລາດຄໍາພູມີ ຮອງເລຂາໜ່ວຍພັກຮາກຖານ ຮອງຫົວໜ້າຄະນະໂຄສະນາອົບຮົມແຂວງ, ມີຄະນະພັກ, ຮອງຫົວໜ້າຄະນະໂຄສະນາອົບຮົມແຂວງ ແລະ ມີບັນດາສະຫາຍແຂກຖືກເຊີນຈາກຕ່າງໜ້າໜ່ວຍພັກຄະນະຈັດຕັ້ງແຂວງ, ຄະນະກວດກາແຂວງ, ໂຮງຮຽນການເມືອງ-ການປົກຄອງແຂວງ, ຄະນະພັກຮາກຖານຫ້ອງວ່າການແຂວງ, ພະນັກງານ-ສະມາຊິກພັກ ພາຍໃນຄະນະໂຄນາອົບຮົມແຂວງ ເຂົ້າຮ່ວມ.

ໃນພິທີຕ່າງໜ້າຈາກຄະນະຈັດຕັ້ງແຂວງ ກໍ່ໄດ້ຜ່ານມະຕິຕົກລົງ ເລກທີ 1050/ຄຈສຂ.ສວ ລົງວັນທີ 29/12/2020 ວ່າດ້ວຍການຕົກລົງຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກແໜັ້ນ ປະຈຳປີ 2020 ອີງຕາມຄຳສັ່ງຂອງກົມການເມືອງສູນກາງພັກເລກທີ 01/ກມສພ ລົງວັນທີ 3 /1/2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜັ້ນ ແລະ ອິງຕາມຄຳແນະນຳ, ໃບຢັ້ງຢືນຕ່າງໆ, ໜັງສືສະເໜີຂອງຄະນະຈັດຕັ້ງແຂວງ ເລກທີ 334/ຄຂຂ,ສວ, ລົງວັນທີ 15/12/2020 ຄະນະປະຈໍາພັກແຂວງ ສາລະວັນ ໄດ້ຕົກລົງເຫັນດີ ວ່າດ້ວຍການຮັບຮອງເອົົາໜ່ວຍພັກຄະນະໂຄສະນາອົບຮົມແຂວງ ເປັນໜ່ວຍພັກປອດໃສ, ເຂັ້ມແຂງ, ໜັກແໜັ້ນ ປະຈຳປີ 2020.

ໂອກາດດຽວກັນນັ້ນ ສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ກໍ່ໄດ້ໃຫ້ກຽດຂື້ນມອບໃບຢັ້ງຢືນໃຫ້ໜ່ວຍພັກຄະນະໂຄສະນາອົບຮົມແຂວງ ເປັນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ຢ່າງເປັນທາງການ ເພື່ອເປັນບ່ອນອີງໃນການໄຫວວຽກງານຂອງພັກ ຕື່ມອີກ.

ຈາກນັ້ນສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ກໍ່ໄດ້ມີຄຳເຫັນໂອລົມ ກ່ອນອື່ນສະຫາຍ ໄດ້ຍ້ອງຍໍຊົມເຊີຍຕໍ່ຜົນງານທີ່ຍາກມາໄດ້ ແລະ ເນັ້ນໜັກໃຫ້ໜ່ວຍພັກ, ສະມາຊິກພັກ ພາຍໃນໜ່ວຍ ຕ້ອງປະຕິບັດຕາມ 5 ເນື້ອໃນຕົ້ນຕໍ ແລະ ຕ້ອງສືບຕໍ່ຈັດຕັ້ງປະຕິບັດ ຄື:

1. ໃຫ້ບັນດາສະຫາຍ ສືບຕໍ່ຮັກສາມູນເຊື້ອ ເປັນໜ່ວຍພັກປອດໃສ, ເຂັ້ມງວດ ແລະ ໜັກແໜ້ນ.

2. ຄະນະໜ່ວຍພັກຮາກຖານ, ສະມາຊິກພັກ ຕ້ອງເອົາໃຈໃສ່ໃນການໂຄສະນາ, ເຜີຍແຜ່ແນວທາງນະໂຍບາບຂອງພັກ, ເຊື່ອມຊຶມວຽກງານການເມືອງ-ແນວຄິດຂອງພັກ ຢ່າງຕໍ່ເນື່ອງ.

2. ສືບຕໍ່ຊີ້ນໍາ-ນໍາພາວຽກງານແນວຄິດ ໃຫ້ເປັນປົກກະຕິ, ຕ້ອງມີຄວາມເອກະພາບສູງ ຕໍ່ກັບແນວທາງຂອງພັກ, ຈໍາແນກມິດສັດໃຫ້ຈະແຈ້ງ, ສືບຕໍ່ເຮັດໜ້າທີ່ໃນວຽກງານແນວຄິດໃຫ້ໜັັກແໜ້ນ ບໍ່ຫວັ່ນໄຫວຄອນແຄນ ຕໍ່ສະພາການຕ່າງໆ, ສືບຕໍ່ປົກຕ້ອງແນວທາງຂອງພັກ.

3. ສືບຕໍ່ໃນການຊີ້ນໍາດ້ານການຈັດຕັ້ງ ຄະນະໜ່ວຍພັກຮາກຖານ, ສະມາຊິກພັກ ຕ້ອງຢຶດໝັ້ນ ໃນການປະຕິບັດ 5 ຫຼັກການ 3 ທິດນໍາຂອງພັກ, ຖືກເອົາການຕໍານິຕິຊົມຊ່ວຍເຫຼືອເຊິ່ງກັນ ແລະ ກັນ, ມີສະຕິເຄົາລົບລະບຽບກົດໝາຍ, ກົດລະບຽບຂອງພັກ ຢ່າງເຂັ້ມງວດ.

4. ສືບຕໍ່ຊີ້ນໍາ-ນໍາພາແບບແຜນການນໍາພາ ຄະນະໜ່ວຍພັກຮາກຖານ ໃຫ້ມີອັນປ່ຽນແປງໄປຖືກທິດ ຕ້ອງຢຶດໝັ້ນຫຼັກການລວມສູນປະຊາທິປະໄຕ ໂດຍຖືເອົາສຽງສ່ວນໜ້ອຍຂຶ້ນ ກັບສຽງສ່ວນຫຼາຍ, ສືບຕໍ່ຕິດຕາມກວດກາການເຄື່ອນໄຫວ ຂອງສະມາຊິກພາຍໃນໜ່ວຍ, ມີການສະຫຼຸບ, ປະເມີນ, ເອົາໃຈໃສ່ໃນການຢຶດໝັ້ນ ໃນການຂະຫຍາຍພັກ.

5. ສືບຕໍ່ນໍາພາການຈັດຕັ້ງປະຕິບັດໜ້າທີ່ການເມືອງ ຄະນະໜ່ວຍພັກຮາກຖານ ຕ້ອງເອົາໃຈໃສ່ຊີ້ນໍາ-ນໍາພາອົງການຈັດຕັ້ງມະຫາຊົນ ເຄື່ອນໄຫວວຽກງານ.ໃຫ້ຕໍ່ເນື່ອງ ດ້ວຍຄວາມຮັບຜິດຊອບສູງ ແລະ ຕ້ອງເອົາໃຈໃສ່ຕໍ່ວຽກງານປ້ອງກັນຄວາມສະຫງົບ ຮັບປະກັນໃຫ້ມີຄວາມສະຫງົບໂດຍພື້ນຖານ