• ທິມບານເຕະຊາຍຟຸດຊໍ ຄະນະໂຄສະນາອົບຮົມ
  • ຄະນະບໍລິຫານງານຊາວໜຸ່ມເມືອງວາປີ ຮ່ວ
  • ຄະນະໂຄສະນາຮົບຮົມເມືອງຕຸ້ມລານເປີດຮ
  • ກຳມະບານຮາກຖານຄະນະໂຄສະນາອົບຮົມແຂວງ
  • ຄະນະໂຄສະນາອົບຮົມແຂວງສາລະວັນ ຮ່ວມກັ
  • ໜ່ວຍພັກຮາກຖນ ຄະນະໂຄສະນາອົບຮົມແຂວງສ
Previous
Next

ຂ່າວໃໝ່

ຄະນະໂຄສະນາອົບຮົມແຂວງສາລະວັນ ຮ່ວມກັບກອງບັນຊາການປກສແຂວງ ແລະ ຫ້ອງວ່າການແຂວງ ຈັດພິທີເລົ່າຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ 60 ປີ

ຄະນະໂຄສະນາອົບຮົມແຂວງສາລະວັນ ຮ່ວມກັບກອງບັນຊາການ ປກສແຂວງ ແລະ ຫ້ອງວ່າການແຂວງ ຈັດພິທີເລົ່າຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ( 5/4/1961-5/4/2021. ພິທີໄດ້ຈັດຂຶ້ນໃນວັນທີ 30 ມີນາ 2021 ທີ່ສະໂມສອນໃຫຍ່ຂອງແຂວງ,ໃຫ້ກຽດຂຶ້ນບັນລະຍາຍເອກະສານໂດຍທ່ານ ຄໍາ ບຸ່ນ ດ້ວງປັນຍາ ອາດີດການນໍາສູງສຸດຂອງແຂວງ, ອາ ດີດເລຂາພັກແຂວງ, ເປັນກຽດເຂົ້າຮ່ວມຮັບຟັງ ຂອງທ່ານ ປອ ໂພໄຊ ໄຊຍະສອນ ກຳມະການສູນກາງພັກ, ເລຂາພັກແຂວງ - ເຈົ້າແຂວງສາລະວັນ, ປະທານປ້ອງ ກັນຊາດ-ປ້ອງກັນຄວາມສະຫງົບແຂວງ,ທ່ານ ນາງ ບຸນ ທະວີ ດວງລາສີ ຮອງເລຂາພັກແຂວງ, ຜູ້ຊີ້ນໍາວຽກງານການເມືອງ - ແນວຄິດ, ມີບັນດາທ່ານ ຄະນະປະຈໍາພັກແຂວງ, ກຳມະການພັກແຂວງ,ຫົວໜ້າ ແລະ ຮອງພະແນກການ, ນາຍແລະພົນຕໍາຫຼວດ, ນາຍແລະພົນທະຫານ, ພະນັກ ງານ-ລັດຖະກອນ ອ້ອມຂ້າງແຂວງເຂົ້າຮ່ວມ.

 

ໃນພິທີທ່ານ ຄໍາບຸ່ນ ດວງປັນຍາ ອາດີດການນໍາສູງສຸດຂອງແຂວງ, ອາດີດເລຂາພັກແຂວງໄດ້ເລົ່າຄືນປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ ຂອງກຳລັງປ້ອງກັນຄວາມສະຫງົບປະຊາຊົນ. ກຳລັງປ້ອງກັນຄວາມສະຫງົບປະຊາຊົນ ແມ່ນກໍາລັງປະກອບອາວຸດປະຕິວັດອັນແຫຼມຄົມ ໂດຍແມ່ນພັກປະຊາຊົນ ປະຕິວັດລາວ ເປັນຜູ້ສ້າງຕັ້ງ, ນຳພາເດັດຂາດ, ໂດຍກົງຮອບ ດ້ານ, ເປັນກຳລັງທີ່ມາຈາກປະຊາຊົນ, ໂດຍປະຊາຊົນ ແລະ ເພື່ອຮັບໃຊ້ສິດຜົນປະໂຫຍດຂອງປະຊາຊົນລາວບັນດາເຜົ່າ, ກຳລັງປ້ອງກັນຄວາມສະຫງົບປະຊາຊົນ ໄດ້ກຳເນີດ ແລະ ເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ, ເວລາໃດກໍມີມູນເຊື້ອການຕໍ່ສູ້ຢ່າງອົງອາດກ້າຫານ, ມີນ້ຳໃຈເສຍສະຫຼະເດັດດ່ຽວບໍ່ຍອມຈຳນົນ,ມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນ.

ມາໃນວັນທີ5-12ເມສາ 1961 ຄະນະຊີ້ນຳສູນກາງພັກປະຊາຊົນປະຕິວັດລາວ ໄດ້ເປີດກອງປະຊຸມຄົບຄະນະ ຂຶ້ນ ທີ່ຄັງໄຂ ແຂວງຊຽງຂວາງ. ດັ່ງນັ້ນ, ເພີ່ນຈິ່ງຕົກລົງເອົົາວັນທີ 5 ເມສາ 1961 ເປັນວັນສ້າງຕັ້ງກຳລັງປ້ອງກັນຄວາມສະຫງົບ. ໃນຕອນທ້າຍ ທ່ານ ໄດ້ເນັ້ນໜັກ ໃຫ້ພະນັກງານ-ຫລັກແຫລ່ງ,ພະນັກງານລັດຖະກອນ, ນາຍແລະ ພົນຕໍາຫລວດ,ນາຍແລະພົນທະຫານ ຕ້ອງກຳແໜ້ນ ແລະ ຮໍ່າຮຽນເອົາ 3 ທາດແທ້ ແລະ 7 ມູນເຊື້ອຂອງກຳລັງປະກອບຄວາມສະຫງົບ 1. ທາດແທ້ປະຕິວັດ, 2. ທາດແທ້ປະຊາຊົນ,3. ບໍ່ຍອມຈໍານົນ ແລະ 7 ມູນເຊື້ອ: 1, ຈົ່ງຮັກພັກດີ, 2. ລົງຮາກຖານ, 3.ສູ້ລົບພິລະອາດຫານ,4.ລະບຽບວິໄນເຂັ້ມງວດ, 5. ສາມັກຄີແໜ້ນແຟ້ນ, ກວ້າງຂວາງ, 6.ດຸໝັ່ນຂະຫຍັນພຽນ, 7. ຮ່ວມມືສາກົນ. ຈຸດປະສົງຂອງການຈັດຕັ້ງພິທີປາຖະກະຖາເລົ່າຄືນມູນເຊື້ອສະເຫຼີມສະຫຼອງວັນສ້າງຕັ້ງກຳລັງປ້ອງກັນຄວາມສະຫງົບແມ່ນ ເພື່ອເຮັດໃຫ້ພະນັກງານຫຼັກແຫຼ່ງ, ພະນັກງານ-ລັດຖະກອນຮູ້ເຖິງປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ ຂອງກຳລັງປ້ອງກັນຄວາມສະຫງົບປະຊາຊົນ ແລະ ເພື່ອສຶກສາອົບຮົມພະນັກງານ ໃຫ້ມີແນວຄິດຮັກຊາດອັນດູດດື່ມ ໃຫ້ກຳໄດ້ ທາດແທ້ ແລະ ມູນເຊື້ອແຫ່ງຕໍ່ສູ້ຂອງກຳລັງປ້ອງກັນຄວາມສະຫງົບ. ພິທີໃນຄັ້ງນີ້ ດຳເນີນໄປເປັນເວລາ 1 ຄາບຈີ່ງປິດດ້ວຍຜົນສໍາເລັດຢ່າງຈົບງາມ

ສາຍພົວພັນລາວ-ຫວຽດນາມ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 5  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

129194
ມື້ນີ້ມື້ນີ້20
ມື້ວານນີ້ມື້ວານນີ້41
ອາທິດນີ້ອາທິດນີ້48
ເດືອນນີ້ເດືອນນີ້883
ທັງໝົດທັງໝົດ129194