• ທິມບານເຕະຊາຍຟຸດຊໍ ຄະນະໂຄສະນາອົບຮົມ
  • ຄະນະບໍລິຫານງານຊາວໜຸ່ມເມືອງວາປີ ຮ່ວ
  • ຄະນະໂຄສະນາຮົບຮົມເມືອງຕຸ້ມລານເປີດຮ
  • ກຳມະບານຮາກຖານຄະນະໂຄສະນາອົບຮົມແຂວງ
  • ຄະນະໂຄສະນາອົບຮົມແຂວງສາລະວັນ ຮ່ວມກັ
  • ໜ່ວຍພັກຮາກຖນ ຄະນະໂຄສະນາອົບຮົມແຂວງສ
Previous
Next

ຂ່າວໃໝ່

ຄະນະບໍລິຫານງານຊາວໜຸ່ມເມືອງວາປີ ຮ່ວມກັບ ກອງບັນຊາການ ປກສ ເມືອງ ຈັດພິທີເລົ່າຄືນມູນເຊື້ອວັນສ້າງຕັ້ງຊາວໜຸ່ມປະຊາຊົນ ປະຕິວັດລາວ ຄົບຮອບ 66 ປີ ຕິດພັນກັບການເລົ່າຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ

ຄະນະບໍລິຫານງານຊາວໜຸ່ມເມືອງວາປີຮ່ວມກັບ ກອງ ບັນຊາການ ປກສ ເມືອງ ຈັດພິທີເລົ່າຄືນມູນເຊື້ອວັນສ້າງຕັ້ງຊາວໜຸ່ມປະຊາຊົນ ປະຕິວັດລາວ ( 14/4/1955-14/4/2021 ) ຄົບຮອບ 66 ປີ ຕິດພັນກັບການເລົ່າຄືນມູນເຊື້ອ ວັນສ້າງຕັ້ງກຳລັງປ້ອງກັນຄວາມສະຫງົບ ( 5/4/1961-5/4/2021 ) ຄົບຮອບ 60 ປີ; ພິທີໄດ້ຈັດຂຶ້ນໃນວັນທີ 6 ເມສາ 2021 ທີ່ສະໂມສອນໃຫຍ່ຂອງເມືອງ, ໃຫ້ກຽດຂຶ້ນບັນລະຍາຍເອກະສານວັນສ້າງຕັ້ງຊາວໜຸ່ມປະຊາຊົນ ປະຕິວັດລາວ ຄົບຮອບ 66 ປີ ຂອງ ທ່ານ ອຸດອນ ສອນດາລາ ຄະນະປະຈໍາພັກເມືອງ, ປະທານແນວລາວສ້າງຊາດເມືອງ  ແລະ ໃຫ້ກຽດບັນຍາຍເອກະ ສານວັນສ້າງຕັ້ງກຳລັງປ້ອງກັນຄວາມສະຫງົບ ຂອງທ່ານ ພັທ ຄໍາເພັດ ພູມອຸທອນ ຄະນະປະຈໍາພັກເມືອງ, ຫົວໜ້າກອງບັນຊາການ ປກສ  ເມືອງ ແລະ  ໃຫ້ກຽດເຂົ້າຮ່ວມຮັບຟັງ ຂອງທ່ານ ບຸນຍູ້ ຈັນທະລັງສີ ກຳມະການພັກແຂວງ, ເລຂາພັກເມືອງ-ເຈົ້າເມືອງວາປີ, ມີບັນດາທ່ານ ຄະນະປະຈໍາພັກເມືອງ, ກຳມະການພັກເມືອງ, ຫົວໜ້າ ແລະ ຮອງຫ້ອງການ, ນາຍ ແລະ ຕໍາຫຼວດ, ພະນັກງານ-ຊາວໜຸ່ມ ແລະ ນັກຮຽນ ເຂົ້າຮ່ວມທັງໝົດ 179 ຄົນ, ຍິງ 72 ຄົນ, ສາມາຊິກພັກ 78 ສະຫາຍ, ຍິງ 18 ສະຫາຍ, ນັກຮຽນ 50 ຄົນ, ຍິງ 25 ຄົນ .

ໃນພິທິ, ທ່ານ ອຸດອນ ສອນດາລາ ຄະນະປະຈໍາພັກເມືອງ, ປະທານແນວລາວສ້າງຊາດເມືອງ ໄດ້ເລົ່າເຫດການຕົວຈິງ ແລະ ຍົກໃຫ້ເຫັນຜົນງານອັນອົງອາດກ້າຫານຂອງຊາວໜຸ່ມແຕ່ລະຮຸ່ນມາສະເໜີເຊັ່ນ ຕົ້ນກໍາເນີດ ແລະ ທາດແທ້ຂອງຊາວໜຸ່ມ ຮຸ່ນໄລຍະທີ່ເຈົ້າຟ້າງຸ່ມທ້ອນໂຮມອານາຈັກລາວລ້ານຊ້າງ ແລະ ຕໍ່ສູ້ກັບສັກດີນາຜູ້ຮຸກຮານ ເຊິ່ງຊາວໜຸ່ມຮຸ່ນກ່ອນກໍ່ໄດ້ມີບົດບາດສໍາຄັນໃນການຕໍ່ສູ້ຢ່າງອົງອາດກ້າຫານເຖິງບໍ່ມີພັກນຳພາ ປະຊາຊົນລາວ, ພາຍຫຼັງທີ່ພັກປະຊາຊົນລາວຖືກສ້າງຕັ້ງຂຶ້ນ ໃນວັນທີ 22 ມີນາ 1955 ດ້ວຍຄວາມເຊື່ອໝັ້ນໃນກໍາລັງແຮງ ຄວາມສາມາດ ແລະ ນໍ້າໃຈອົງອາດກ້າຫານຂອງຊາວໜຸ່ມໃນພາລະກິດຕໍ່ສູ້ຕ້ານຈັກກະພັດຜູ້ຮຸກຮານ ພັກໄດ້ສ້າງຕັ້ງຊາວໜຸ່ມຕະລຸມບອນຂຶ້ນໃນວັນທີ 14 ເມສາ 1955 ເປັນໃຈກາງເຕົ້າໂຮມ ແລະ ສຶກສາອົບຮົມຊາວໜຸ່ມໃຫ້ມີບົດບາດປະຈັນບານໃນທຸກສະໜາມຮົບ ດ້ວຍມານະຈິດທີ່ວ່າ: ຍອມຕາຍດີກ່ວາຍອມເສຍເອກະລາດ ເດັດຂາດບໍ່ໃຫ້ປະເທດຊາດຖືກຕັດແບ່ງ ແລະ ຄວາມປອງດອງຊາດຖືກທຳລາຍ ຕົກມາໄລຍະປົກປັກຮັກສາ ແລະ ສ້າງສາພັດທະນາປະເທດຊາດ ເຊິ່ງການຈັດຕັ້ງຊາວໜຸ່ມໄດ້ຮັບການສ້າງຕັ້ງຂຶ້ນ ແລະ ເຕົ້າໂຮມເອົາຄວາມສາມັກຄີຊາວໜຸ່ມລາວແຕ່ເໜືອຮອດໃຕ້ ເຂົ້າມາຢູ່ໃຕ້ຮົ່ມທຸງອັນດຽວກັນ ພາຍໃຕ້ການນໍາພາຂອງພັກ ປະຊາຊົນປະຕິວັດລາວຢ່າງສົມກຽດ.

ຫຼັງຈາກນັ້ນ, ທ່ານ ພັທ ຄໍາເພັດ ພູມອຸທອນ ຄະນະປະຈໍາພັກເມືອງ, ຫົວໜ້າກອງບັນຊາການປກສ ເມືອງ ໄດ້ເລົ່າຄືນປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວ ຂອງກຳລັງປ້ອງກັນຄວາມສະຫງົບປະຊາຊົນ. ກຳລັງປ້ອງກັນຄວາມສະຫງົບປະຊາຊົນ ແມ່ນກໍາລັງປະກອບອາວຸດປະຕິວັດອັນແຫຼມຄົມ ໂດຍແມ່ນພັກປະຊາຊົນ ປະຕິວັດລາວ ເປັນຜູ້ສ້າງຕັ້ງ, ນຳພາເດັດຂາດ, ໂດຍກົງຮອບ ດ້ານ, ເປັນກຳລັງທີ່ມາຈາກປະຊາຊົນ, ໂດຍປະຊາຊົນ ແລະ ເພື່ອຮັບໃຊ້ສິດຜົນ ປະ ໂຫຍດຂອງປະຊາຊົນລາວບັນດາເຜົ່າ, ກຳລັງປ້ອງກັນຄວາມສະຫງົບປະຊາຊົນ ໄດ້ກຳເນີດ ແລະ ເຕີບໃຫຍ່ຂະຫຍາຍຕົວໃນຂະບວນການຕໍ່ສູ້ປົດປ່ອຍຊາດຕ້ານຈັກກະພັດຜູ້ຮຸກຮານ, ປົກປັກຮັກສາ ແລະ ສ້າງສາພັດທະນາປະເທດຊາດ, ເວລາໃດກໍມີມູນເຊື້ອການຕໍ່ສູ້ຢ່າງອົງອາດກ້າຫານ, ມີນ້ຳໃຈເສຍສະຫຼະເດັດດ່ຽວບໍ່ຍອມຈຳນົນ,ມີຄວາມສັດຊື່ບໍລິສຸດ ແລະ ມີຄວາມສາມັກຄີເປັນປຶກແຜ່ນ.

ຄະນະຊີ້ນຳສູນກາງພັກປະຊາຊົນປະຕິວັດລາວ ໄດ້ເປີດກອງປະຊຸມຄົບຄະນະຂຶ້ນ ໃນວັນທີ 5-12 ເມສາ 1961 ທີ່ຄັງໄຂ ແຂວງຊຽງຂວາງ. ດັ່ງນັ້ນ, ເພີ່ນຈິ່ງຕົກລົງເອົົາວັນທີ 5 ເມສາ 1961 ເປັນວັນສ້າງຕັ້ງກຳລັງປ້ອງກັນຄວາມສະຫງົບ.

ພິທີໃນຄັ້ງນີ້ ດຳເນີນໄປເປັນເວລາ 1 ຄາບຈີ່ງປິດດ້ວຍຜົນສໍາເລັດຢ່າງຈົບງາມ.

ພາບ ແລະ ຂ່າວຈາກ: ຖິ່ນອູ່ເຂົ້າອູ່ປາວາປີ

ສາຍພົວພັນລາວ-ຫວຽດນາມ

ວີດີໂອ....

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 6  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

129202
ມື້ນີ້ມື້ນີ້28
ມື້ວານນີ້ມື້ວານນີ້41
ອາທິດນີ້ອາທິດນີ້56
ເດືອນນີ້ເດືອນນີ້891
ທັງໝົດທັງໝົດ129202