ຄະນະໂຄສະນາອົບຮົມແຂວງສາລະວັນ ຮ່ວມກັບກອງບັນຊາການທະຫານແຂວງ ຈັດຕັ້ງພິທີປາຖະກະຖາ ວັນສ້າງຕັ້ງກອງທັບປະຊາຊົນລາວ 74 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 31 ມັງກອນ 2023 03:08

ຂຽນໂດຍ ຄອຂ ສາລະວັນ

ໃນຕອນເຊົ້າຂອງວັນທີ 31 ມັງກອນ 2023 ຢູ່ທີ່ສະໂມສອນໃຫຍ່ຂອງວິທະຍາໄລຄູແຂວງ ໄດ້ຈັດພິທີໂຄສະນາ-ປາຖະກະຖາ ວັນສ້າງຕັ້ງກອງທັບປະຊາຊົນລາວ ຄົບຮອບ 74 ປີ  ( 20/01/1949-20/01/2023 ), ໃຫ້ກຽດຂຶ້ນປາຖະກະຖາ ໃນຄັ້ງ ນີ້ໂດຍ ທ່ານ ພົນຈັດຕະວາ  ພູວຽງ ຫຼ່ຽມມະວົງສາ ອາດີດຄະນະນໍາແຂວງ, ອາດີດຫົວໜ້າ ກອງບັນຊາການທະຫານແຂວງ,  ມີຫົວໜ້າ, ຮອງພະແນກການ, ນາຍແລະ ພົນທະຫານ, ນາຍແລະ ພົນຕໍາຫຼວດ, ນັກງານ-ລັດຖະກອນ ອ້ອມຂ້າງແຂວງ ເຂົ້າຮ່ວມທັງໝົດ 185 ທ່ານ, ຍິງ 40 ທ່ານ; ສະມາຊິກພັກ160 ສະຫາຍ, ຍິງ 50 ສະຫາຍ.

        ຕອນທ້າຍ ທ່ານ ພົນຈັດຕະວາ  ພູວຽງ ຫຼ່ຽມມະວົງສາ ອາດີດຄະນະນໍາຂອງແຂວງ, ອາດີດຫົວໜ້າກອງບັນຊາການທະຫານແຂວງ ໄດ້ຮຽກຮ້ອງໃຫ້ບັນດາພະນັກງານ-ນັກຮົບ, ນາຍ ແລະພົນທະຫານໃນທົ່ວກອງທັບເຮົາ ຈົ່ງອອກແຮງເສີມຂະຫຍາຍທາດແທ້, ມູນເຊື້ອຂອງຊາດ ແລະຂອງກອງທັບ, ເດັດດ່ຽວປະຕິບັດແນວທາງປ່ຽນແປງໃໝ່ຮອບດ້ານຢ່າງມີຫຼັກການຂອງພັກ, ເສີມຂະຫຍາຍບົດບາດເປັນກຳລັງຫຼັກແຫຼ່ງແກ່ນສານ ໃນການຈັດຕັ້ງປະຕິບັດສອງໜ້າທີ່ຍຸດທະສາດ ໃນໄລຍະໃໝ່ ຄື ປົກປັກຮັກສາ ແລະສ້າງສາພັດທະນາປະເທດ.

#ພາບແລະ ເນື້ອໃນຂ່າວຈາກ: ຖິ່ນສຽງແຄນແດນດອກຮັງ

ຄະນະໂຄສະນາອົບຮົມແຂວງສາລະວັນ ຮ່ວມກັບຄະນະໂຄສະນາອົບຮົມເມືອງເລົ່າງາມ ເຄື່ອນໄຫວສໍາພາດຄອບຄົວຕົວແບບ ການປູກພຶດແບບປະສົມປະສານ ຢູ່ບ້ານດົງບັງ, ເມືອງເລົ່າງາມ ແຂວງສາລະວັນ.

ລາຍລະອຽດ

ສ້າງຂື້ນເມື່ອ ວັນສຸກ, 05 ພຶດສະພາ 2023 06:37

ຂຽນໂດຍ ຄອຂ ສາລະວັນ

ມາໃນວັນທີ 4 ພຶດສະພາ 2023 ຄະນະໂຄສະນາອົບຮົມແຂວງສາລະວັນ ຮ່ວມກັບຄະນະໂຄສະນາອົບຮົມເມືອງເລົ່າງາມ ໄດ້ເຄື່ອນໄຫວສໍາພາດຄອບຄົວຕົວແບບ ການປູກພຶດແບບປະສົມປະສານ ເປັນສິນຄ້າ ຢູ່ບ້ານດົງບັງ, ເມືອງເລົ່າງາມ ແຂວງສາລະວັນ. ເຊິ່ງການລົງໃນຄັ້ງນີ້ ໄດ້ສໍາພາດຄອບຄົວທ່ານ ພົງສະຫວັນ ໄຊຍະວົງ ອາຍຸ 50 ປີ, ປະຊາຊົນບ້ານດົງບັງ ເມືອງເລົ່າງາມ ແຂວງສາລະວັນ. ເຊິ່ງລາວໃຫ້ສໍາພາດວ່າ: ຂ້າພະເຈົ້າ ໄດ້ພ້ອມກັບຄອບຄົວ ຫັນມາເຮັດອາຊີບພືດກະສີກຳ, ເປັນຕົ້ນ: ໜາກກ້ວຍ, ມັນຕົ້ນ, ໝາກອຶ, ໝາກຖົ່ວ, ຜັກຫອມບົວ, ລ້ຽງງົວ, ໝູ ແລະ ອື່ນໆ.

ຂ້າພະເຈົ້າຈຶ່ງ ຫັນປ່ຽນອາຊີບໃໝ່ຈາກການຊື້ - ຂາຍພຶດກະສີກຳ ຫັນມາປູກພືດກະສີກໍາ ແບບປະສົມປະສານ ເປັນອາຊີບຕົ້ນຕໍ. ມາຮອດປະຈຸ ໄດ້ຂະຫຍາຍເນື້ອທີ່ 23 ເຮັກຕາ. ສາມາດສ້າງລາຍຮັບຈາກການປູກພຶດແບບປະສົມປະສານ ໄດ້ປະມານ 450 ລ້ານກີບ ຕໍ່ປີ. ການປູກພືດແບບປະສົມປະສານ ເຮັດໃຫ້ຄອບຄົວຂອງຂ້າພະເຈົ້າ ມີຊີວິດການເປັນຢູ່ດີຂື້ນ ກາຍເປັນຄອບຄົວພັດທະນາຂອງບ້ານ ເຊີ່ງມີກ້ອນທຶນນໍາໃຊ້ເປັນທືນໝູນວຽນຈໍານວນໜຶ່ງ ເຂົ້າໃສ່ໃນການຜະລິດ ແລະ ອີກຈໍານວນໜຶ່ງ ກໍ່ເປັນເງິນສະສົມພັດທະນາຄອບຄົວ ເຊັ່ນ: ຊື້ພາຫານະຂົ່ນສົ່ງ, ປະກອບສ່ວນຊ່ວຍເຫຼືອສັງຄົມ ແລະ ສົ່ງເສີມໃຫ້ລູກໄດ້ສຶກສາຮໍ່າຮຽນ.

ຄະນະໂຄສະນາອົບຮົມແຂວງສາລະວັນ ເປີດຊຸດອົບຮົມໃຫ້ມະຫາຊົນຜູ້ກ້າວໜ້າ.

ລາຍລະອຽດ

ສ້າງຂື້ນເມື່ອ ວັນອັງຄານ, 07 ກຸມພາ 2023 06:46

ຂຽນໂດຍ ຄອຂ ສາລະວັນ

ໃນຕອນເຊົ້າຂອງວັນທີ 7 ກຸມພາ 2023 ຄະນະໂຄສະຂາອົບຮົມແຂວງສາລະວັນ ໄດ້ເປີດຊຸດອົບຮົມໃຫ້ມະຫາຊົນຜູ້ກ້າວໜ້າ ເພື່ອຈະຂະຫຍາຍເຂົ້າເປັນສະມາຊິກພັກປະຊາຊົນ ປະຕິວັດລາວ ຊຸດທີ I ປະຈຳປີ 2023 ຂື້ນທີ່ຫ້ອງປະຊຸມພະແນກພະລັງງານ ແລະ ບໍ່ແຮ່ແຂວງ, ໃຫ້ກຽດເປັນປະທານ ແລະ ບັນຍາຍເອກະສານ ໃນຄັ້ງນີ້ໂດຍສະຫາຍ ຈັນສະໝອນ ພົມມະແສງ ຄະນະປະຈຳພັກແຂວງ, ຫົວໜ້າຄະນະໂຄສະນາອົບຮົມແຂວງ, ມີມະຫາຊົນຜູ້ທີ່ມີຄວາມກ້າວໜ້າ ມາຈາກຄະນະພັກຮາກຖານພະແນກພະລັງງານ ແລະ ບໍ່ແຮ່ແຂວງ ແລະ ໜ່ວຍພັກອົງການແນວລາວສ້າງຊາດແຂວງ ເຂົ້າຮ່ວມທັງໝົດ 13 ສະຫາຍ, ຍິງ 2 ສະຫາຍ.

ຈຸດປະສົງໃນການເປີດຊຸດອົບຮົມໃນຄັ້ງນີ້ ແມ່ນເພື່ອເຮັດໃຫ້ມະຫາຊົນຜູ້ກ້າວໜ້າ ທີ່ຈະຂະຫຍາຍເຂົ້າພັກເປັນສະມາຊິກພັກ ຮັບຮູ້-ເຂົ້າໃຈ ເບື້ອງຕົ້ນກ່ຽວກັບປະຫວັດ, ຄວາມເປັນມາ, ອຸດົມການ ແລະ ທາດແທ້ຂອງພັກປະຊາຊົນປະຕິວັດລາວ ເຂົ້າໃຈກ່ຽວກັບມາດຕະຖານ, ເງື່ອນໄຂຜູ້ທີ່ຈະເຂົ້າເປັນສະມາຊິກພັກ ແລະ ຜົນປະໂຫຍດທີ່ສະມາຊິກພັກໄດ້ຮັບ. ​ ບົນພຶ້ນຖານຄວາມຮັບຮູ້-ເຂົ້າໃຈດັ່ງກ່າວ ເຮັດໃຫ້ມະຫາຊົນຜູ້ກ້າວໜ້າ ຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ມີມາດຖານ, ເງື່ອນໄຂຄົບຖ້ວນ ແລະ ມີຄວາມຕື່ນຕົວສະໝັກໃຈ ເຂົ້າເປັນສະມາຊິກພັກປະຊາຊົນ ປະຕິວັດລາວ ເພື່ອເພີ່ມກຳລັງແຮງໃຫ້ແກ່ພັກນັບມື້ນັບຫຼາຍຂຶ້ນ. ຊຸດອົບຮົມດັ່ງກ່າວ ໄດ້ຄົ້ນຄວ້າ-ເຊື່ອມຊຶມ ເອກະສານ ໃນຈໍານວນ 13 ຄໍາຖາມ-ຄໍາຕອບ.

ໃນຕອນທ້າຍຂອງຊຸດອົບຮົມ ຍັງໄດ້ຮັບຟັງການໂອ້ລົມ ຂອງ ສະຫາຍ ຈັນສະໝອນ ພົມມະແສງ, ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ເຊິ່ງທ່ານໄດ້ເນັ້ນໜັກໃຫ້ ມະຫາຊົນຜູ້ກ້າວໜ້າທຸກສະຫາຍ ຈົ່ງຕັ້ງໜ້າຝຶກຝົນຫຼໍ່ຫຼອມຕົນເອງ ໃຫ້ກາຍເປັນຜູ້ທີ່ດີເດັ່ນໃນທຸກຂະບວນການຂອງວຽກງານ, ເພື່ອໃຫ້ມີມາດຖານ ແລະ ເງື່ອນໄຂຄົບຖ້ວນ ທີ່ຈະເຂົ້າເປັນສະມາຊິກພັກປະຊາຊົນປະຕິວັດລາວ.

ຄະນະໂຄສະນາອົບຮົມແຂວງສາລະວັນ ສະຫຼຸບຕີລາຄາການຈັດຕັ້ງປະຕິບັດວຽກງານໂຄສະນາອົບຮົມ ປະຈໍາເດືອນ ກໍລະກົດ 2023 ຜ່ານລະບົບກອງປະຊຸມທາງໄກ.

ລາຍລະອຽດ

ສ້າງຂື້ນເມື່ອ ວັນຈັນ, 31 ກໍລະກົດ 2023 06:31

ຂຽນໂດຍ ຄອຂ ສາລະວັນ

ວັນທີວັນທີ 31 ກໍລະກົດ 2023, ຄະນະໂຄສະນາອົບຮົມແຂວງສາລະວັນ ໄດ້ຈັດກອງປະຊຸມສ່ອງແສງລາຍງານ ວຽກງານໂຄສະນາອົບຮົມ ປະຈຳເດືອນ ກໍລະກົດ ແລະ ວາງທິດທາງແຜນການເດືອນ ສິງຫາ 2023 ໂດຍການເປັນປະທານຂອງ ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ມີບັນດາທ່ານ ຫົວໜ້າຂະແໜງ, ຮອງຫົວໜ້າຂະແໜງ ຂອງຄະນະໂຄສະນາອົບຮົມແຂວງ ເຂົ້າຮ່ວມເຊິ່ງໜ້າ. ສໍາລັບບັນດາເມືອງ ມີ ທ່ານ ຫົວໜ້າ ແລະ ຮອງຄະນະໂຄສະນາອົບຮົມ 8 ເມືອງ ເຂົ້າຮ່ວມ ໂດຍຜ່ານລະບົບກອງປະຊຸມທາງໄກ(Vedio conferance ).

ໃນກອງປະຊຸມຄັ້ງນີ້, ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ ຫົວ ໜ້າຄະນະໂຄສະນາອົບຮົມແຂວງ ກໍ່ໄດ້ໃຫ້ກຽດກ່າວເປີດ ແລະ ມີຄໍາເຫັນຊີ້ນໍາຕໍ່ກອງປະຊຸມ.ຫຼັງຈາກນັ້ນ,ຄະນະໂຄສະນາອົບຮົມເມືອງ ກໍໄດ້ລາຍງານການເຄື່ອນໄຫວ ວຽກ ງານໂຄສະນາອົບຮົມເມືອງ ຂອງຕົນ. ຈາກນັ້ນ, ຫົວໜ້າ 4 ຂະແໜງການ ຂອງຄະ ນະໂຄສະນາອົບຮົມແຂວງ ກໍ່ໄດ້ມີຄໍາເຫັນແລກປ່ຽນ ຢ່າງມີບັນຍາກາດຟົດຟື້ນ.

ໃນຕອນທ້າຍ ຂອງກອງປະຊຸມ, ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ກໍໄດ້ມີຄໍາເຫັນໂອ້ລົມ ຕໍ່ກອງປະຊຸມດັ່ງກ່າວ ເຊິ່ງມີເນື້ອໃນດັ່ງນີ້:

1. ໃຫ້ແຕ່ລະເມືອງ ສືບຕໍ່ເຄື່ອນໄຫວເຮັດວຽກງານການເມືອງ-ແນວຄິດ ກໍຄືວຽກງານໂຄສະນາອົບຮົມ ໃຫ້ລົງເຖິງທ້ອງຖິ່ນ ຮາກຖານ.

2. ຕ້ອງເອົາໃຈໃສ່ ຕໍ່ຂອດປະສານງານ ລະຫວ່າງຄະນະໂຄສະນາອົບຮົມແຂວງ ແລະ ເມືອງ, ແຕ່ລະເມືອງຕ້ອງມີການແລກປ່ຽນບົດຮຽນ ນໍາຄະນະໂຄສະນາອົບຮົມແຂວງ ໃຫ້ເປັນປົກກະຕິ.

3. ຕ້ອງສືບຕໍ່ ເຊື່ອມຊຶມເອກະສານນໍາພາແນວຄິດ ເປັນຕົ້ນແມ່ນ ເອກະສານ ທີ່ຮັບໃຊ້ ເຂົ້າໃນບັ້ນກະກຽມກອງປະຊຸມໃຫ່ຍ 3 ຂັ້ນ ຂອງພັກ ແລະ ອົງການຈັດຕັ້ງມະຫາຊົນ ໃຫ້ແຕ່ລະຮາກຖານພັກ. ພ້ອມກັນນັ້ນ, ກໍ່ຕ້ອງເອົາໃຈໃສ່ຜັນຂະຫຍາຍມະຕິ XI ຂອງພັກ ໃຫ້ທົ່ວເຖິງ; ຈາກນັ້ນ, ຄະນະໂຄສະນາອົບຮົມ ແຕ່ລະເມືອງ ຕ້ອງເອົາໃຈໃສ່ ປະຕິບັດວຽກງານວິຊາສະເພາະຂອງຕົນ ເປັນຕົ້ນແມ່ນ: ວຽກງານໂຄສະນາ-ປາຖະກະຖາ, ວຽກງານອົບຮົມ, ວຽກງານສັງລວມຫາງສຽງສັງຄົມ ແລະ ຂໍ້ມູນຂ່າວສານ ແລະ ວຽກງານຫ້ອງການ ໃຫ້ເປັນປົກກະຕິ.

ຄະນະໂຄສະນາອົບຮົມແຂວງສາລະວັນ ພົບປະແລກປ່ຽນບົດຮຽນ ກັບ ຄະນະໂຄສະນາສຶກສາແຂວງເທື່ອທຽນເຫວ້

ລາຍລະອຽດ

ສ້າງຂື້ນເມື່ອ ວັນພຸດ, 28 ມີຖຸນາ 2023 04:38

ຂຽນໂດຍ ຄອຂ ສາລະວັນ

ຕອບຮັບຕາມ​ຄຳ​ເຊີນ​ ຂອງຄະນະ​ໂຄສະນາ​ສຶກສາພັກແຂວງເທື່ອທຽນເຫວ້ ແຫ່ງ ສສ ຫວຽດນາມ​, ຄະນະ​ຜູ້​ແທນ​ຈາກ ຄະນະ​ໂຄສະນາ​ອົບຮົມແຂວງສາລະວັນ ແຫ່ງ ສປປ ລາວ ນຳໂດຍ ສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງສາລະວັນ ​ເປັນ​ຫົວໜ້າ​ຄະນະ ​ໄດ້​ເດີນທາງ​ມາຢ້ຽມຢາມ ​ແລະ ​​ເຮັດ​ວຽກ​ຢ່າງ​ເປັນ​ທາງ​ການ ຢູ່​ແຂວງເທື່ອທຽນເຫວ້ ​ໃນ​ລະຫວ່າງ​ວັນ​ທີ 22 - 24 ມິຖຸນາ (06) 2023.

ຈຸດປະສົງ​ໃນ​ການ​ມາ​ຢ້ຽມຢາມ ​ແລະ ​ເຮັດ​ວຽກ ​ແມ່ນ​ເພື່ອແນ​ໃສ່​ເພີ່ມ​ທະວີ​ສາຍ​ພົວພັນ​ມິດຕະພາບ, ຄວາມ​ສາມັກຄີ​ແບບພິ​ເສດ ​ແລະ ການ​ຮ່ວມ​ມືຮ​ອບ​ດ້ານ​ລະຫວ່າງ​ສອງ​ຊາດ ຫວຽດນາມ-ລາວ ​ເວົ້າ​ລວມ; ​ເວົ້າ​ສະ​ເພາະ ລະຫວ່າງສອງ​ແຂວງ ແລະ ອົງຄະນະພັກສອງແຂວງ ເທື່ອທຽນເຫວ້-ສາລະວັນ. ​ໂດຍ​ສະ​ເພາະການພົວພັນ​ຮ່ວມ​ມື​ລະຫວ່າງ​ຄະນະ​ໂຄສະນາສືກສາພັກແຂວງເທື່ອທຽນເຫວ້ ​ກັບ ຄະນະ​ໂຄສະນາອົບຮົມແຂວງສາລະວັນ ​ເພື່ອ​ແລກປ່ຽນ​ບົດຮຽນ​ໃນ​ຂົງ​ເຂດ​ວຽກງານ​​ໂຄສະນາ​ສຶກສາ/ໂຄສະນາອົບຮົມ.

ໃນຕອນ​ເຊົ້າ​ຂອງ​ວັນ​ທີ 23 ມິຖຸນາ (06) 2023, ສອງ​ຝ່າຍ​ໄດ້​ມີ​ການພົບ​ປະ ​ແລກປ່ຽນ​ບົດຮຽນ ດ້ວຍ​ນ້ຳ​ໃຈ​ໄມຕີ​ຈິດມິດຕະພາບ, ດ້ວຍ​ຄວາມ​ເຂົ້າ​ອົກ​ເຂົ້າ​ໃຈ, ​ເຊື່ອ​ໝັ້ນ​ເຊິ່ງກັນ ​ແລະ ກັນ.

ໃຫ້​ກຽດ​ເຂົ້າ​ຮ່ວມ​ໃນ​ພິທີ​ພົບ​ປະ​ແລກປ່ຽນ​ບົດຮຽນ, ຝ່າຍຄະນະ​ຜູ້​ແທນ ຄະນະ​ໂຄສະນາ​ອົບຮົມແຂວງສາລະວັນ ນຳ​ໂດຍ ສະຫາຍ ຈັນສະໝອນ ພົມມະແສງ, ຄະນະປະຈຳ​ພັກ​ແຂວງ, ຫົວໜ້າຄະນະ​ໂຄສະນາ​ອົບຮົມ​ແຂວງ​ສາລະ​ວັນ ​ເປັນ​ຫົວໜ້າ​ຄະນະ.

​​​ ຝ່າຍຄະນະ​ຜູ້​ແທນ ຄະນະ​ໂຄສະນາ​ສືກສາພັກແຂວງເທື່ອທຽນເຫວ້ ນຳ​ໂດຍ ສະຫາຍ ຮ່ວງ ແຂັງ ຮຸ່ງ ຄະນະປະຈຳ​ພັກ​ແຂວງ, ຫົວໜ້າຄະນະ​ໂຄສະນາ​ສືກສາພັກແຂວງເທື່ອທຽນເຫວ້ ​ເປັນ​ຫົວໜ້າ​ຄະນະ.

​ໃນ​ພິທີ​ພົບ​ປະ, ສອງ​ຝ່າຍ​ໄດ້​ລາຍ​ງານ​ໃຫ້​ກັນຊາ​ບກ່ຽວກັບສະພາບ​ການ​ພັດທະນາ​ເສດ​ຖະກິດ-ສັງຄົມ, ​ ຜົນສໍາເລັດຂອງ​ການ​ຮ່ວມ​ມື​ລະຫວ່າງ​ສອງ​ແຂວງ​ ​ເທື່ອ​ທຽນ​ເຫ້ວ-ສາລະ​ວັນ, ​ກໍ່ຄືຜົນສໍາເລັດ​ຂອງການເຄື່ອນໄຫວ​ວຽກ​ງານ​ໂຄສະນາ​ສືກສາ/​ໂຄສະນາ​ອົບຮົມ​ໃນ​ໄລຍະ​ຜ່ານມາຂອງ​ແຕ່ລະ​ແຂວງ​ ພ້ອມທັງຕີ​ລາຄາ​ຜົນ​ການ​ຮ່ວມ​ມື​ໃນ​ປີຜ່ານມາ ​ແລະ ປຶກສາ​ຫາລື​ ກ່ຽວ​ກັບ​ທິດ​ທາງ​ແຜນການ​ຮ່ວມ​ມື​ໃນ​ຕໍ່ໜ້າ.

ສອງ​ຝ່າຍ​ມີ​ຄວາມ​ປິ​ຕິ​ຍິນ​ດີ​ເປັນ​ຢ່າງ​ສູງ ທີ່​ໄດ້ຮັບ​ຮູ້​ວ່າ​ ສາຍ​ພົວພັນ​ມິດຕະພາບ, ຄວາມ​ສາມັກຄີ​ແບບ​ພິ​ເສດ ແລະ ການ​ຮ່ວມ​ມືຮ​ອບດ້ານ ລະຫວ່າງ​ສອງ​ຊາດ ລາວ-ຫວຽດນາມ ​ເວົ້າ​ລວມ; ​ເວົ້າ​ສະ​ເພາະ ລະຫວ່າງ ​ສອງ​ແຂວງ ເທື່ອທຽນເຫວ້-ສາລະວັນ ​ໃນ​ໄລຍະໃໝ່ ນັບ​ມື້​ໄດ້​ຮັບ​ການ​ເພີ່ມ​ພູນ​ຄູນ​ສ້າງ ​ແລະ ພັດທະນາ​ຂື້ນ​ເທື່ອ​ລະ​ກ້າວ.

​ເພື່ອ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ໃນ​ການ​ພັດທະນາ​ໄລຍະ​ຕໍ່​ໜ້າ, ​​ໂດຍ​ສະ​ເພາະ ​ແມ່ນ​ການ​ປະກອບສ່ວນ​ເພີ່ມ​ທະວີ​ການ​ຮ່ວມ​ມື, ຊ່ວຍ​ເຫຼືອ​ເຊິ່ງກັນ​ ແລະ​ ກັນ ລະຫວ່າງ​ຄະນະ​ໂຄສະນາ​ສືກສາພັກແຂວງເທື່ອທຽນເຫວ້​ ກັບຄະນະ​ໂຄສະນາ​ອົບຮົມແຂວງສາລະວັນ, ສອງ​ຝ່າຍ​ໄດ້​ເປັນ​ເອກະ​ພາບ​ຮ່ວມກັນໃນບາງ​ບັນຫາ​ທີ່​ຈຳ​ເປັນຕ້ອງ​ໄດ້​ຮ່ວມ​ມື​ກັນ ​ໃນ​ໄລຍະ​ຕໍ່​ໜ້າ, ດັ່ງ​ນີ້ :

1. ສືບຕໍ່ແລກປ່ຽນຂໍ້ມູນຂ່າວສານ, ເພີ່ມທະວີການຮ່ວມມື, ຊ່ວຍເຫຼືອເຊິ່ງກັນ ແລະ ກັນ ແລະ ປະສານສົມທົບກັນໃນການເຄື່ອນໄຫວວຽກງານໂຄສະນາ​ ລະຫວ່າງຄະນະ​ໂຄສະນາ​ສືກສາພັກແຂວງເທື່ອທຽນເຫວ້​ ກັບຄະນະ​ໂຄສະນາ​ອົບຮົມແຂວງສາລະວັນ ເປັນຕົ້ນ: ແລກປ່ຽນບົດຮຽນ, ປະສົບການທາງດ້ານວິຊາສະເພາະ, ກໍ່ສ້າງຊັບພະຍາກອນມະນຸດ ແລະ ຊ່ວຍເຫຼືອອຸປະກອນຮັບໃຊ້ ຕາມທ່າແຮງຂອງຕົນ

2. ສືບ​ຕໍ່​ຍູ້​ແຮງ​ ແລະ ຫັນວຽກ​ງານ​ໂຄສະນາ, ສຶກສາ​ອົບຮົມ ໃນຖັນ​ແຖວ​ພະນັກງານ, ສະມາຊິກ​ພັກ, ກຳລັງ​ປະກອບ​ອາວຸດ ​ແລະ ປະຊາຊົນ​ຂອງ​ສອງ​ແຂວງ ໃຫ້ມີຄວາມຫຼາກຫຼາຍ ​ແນໃສ່ຍົກລະດັບຄວາມ​ຮັບ​ຮູ້​ເຂົ້າ​ໃຈ​ກ່ຽວ​ກັບ​ສາຍ​ພົວພັນ​ມິດຕະພາບ, ຄວາມ​ສາມັກຄີ​ແບບ​ພິ​ເສດ ແລະ ການ​ຮ່ວມ​ມືຮ​ອບດ້ານ ລະຫວ່າງສອງ​ຊາດ ລາວ-ຫວຽດນາມ ​ເວົ້າ​ລວມ; ​ເວົ້າ​ສະ​ເພາະ ກໍ່ແມ່ນລະຫວ່າງສອງ​ແຂວງ ເທື່ອທຽນເຫວ້-ສາລະວັນ ໃຫ້​ເລິກ​ເຊິ່ງຍິ່ງກວ່າເກົ່າ. ​ ໂດຍສະເພາະ ​ເນື່ອງ​ໃນ​ໂອກາດ​ວັນ​ຊາດຫວຽດນາມ, ວັນ​ຊາດ​ລາວ, ວັນ​ສ້າງ​ຕັ້ງ​ການພົວພັນ​ທາງ​ການ​ທູດ ຫວຽດນາມ-ລາວ (ວັນທີ 05 ກັນຍາ) ​ແລະ ວັນ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື​ລະຫວ່າງ ຫວຽດນາມ-ລາວ (ວັນທີ 18 ກໍລະກົດ), ວັນ​ຄ້າຍ​ວັນ​ເກີດ​ ປະທານ ​ໂຮ່ຈິ​ມິນ, ປະທານ ໄກສອນ ພົມວິຫານ, ປະທານ ສຸພານຸວົງ …

ສອງຝ່າຍ ສືບຕໍ່ຊຸກຍູ້, ສະໜັບສະໜູນ ​ແລະ ໂຄສະນາ​ເຜີຍ​ແຜ່ກ່ຽວກັບຜົນສໍາເລັດ​ຂອງ​ການຈັດ​ຕັ້ງ​ປະຕິບັດບັນດາ​ເນື້ອ​ໃນຂໍ້ຕົກລົງ ລະຫວ່າງການນຳຂັ້ນສູງພັກກອມມູນິດຫວຽດນາມ ແລະ ພັກປະຊາຊົນ ປະຕິວັດລາວ, ບົດບັນທຶກຊ່ວຍຈຳ ວ່າດ້ວຍການຮ່ວມມື ລະຫວ່າງແຂວງເທື່ອທຽນເຫ້ວ ແລະ ແຂວງສາລະວັນ ໄລຍະ 2022 – 2026. ສອງຝ່າຍ ສືບຕໍ່ປຸກລະດົມ​ຂົນ​ໄຂວພະນັກງານ, ສະມາຊິກ​ພັກ ​ແລະ ປະຊາຊົນບັນດາ​ເຜົ່າ ພ້ອມ​ກັນຈັດ​ຕັ້ງ​​ປະຕິບັດ​, ຜັນ​ຂະຫຍາຍບັນດາ​ເນື້ອ​ໃນ​ການ​ຮ່ວມ​ມື​ດັ່ງກ່າວໃຫ້​ໄດ້ຮັບຜົນສໍາເລັດ.

3. ສອງ​ຝ່າຍ​​ເຫັນ​ດີ​ເປັນ​ເອກະ​ພາບກັນ ​ຈັດຕັ້ງການແລກປ່ຽນ​ຄະນະ​ຜູ້​ແທນ​ ເຊິ່ງນໍາໂດຍ ສະຫາຍ​ຫົວໜ້າ ຫຼື ຮອງ​ຫົວໜ້າຄະນະ​ໂຄສະນາສຶກສາພັກແຂວງ ແລະ ຄະນະໂຄສະນາ​ອົບຮົມແຂວງເປັນຫົວໜ້າຄະນະ ໄປ​ຢ້ຽມຢາມ, ​ແລກປ່ຽນ​ບົດຮຽນ ​ແລະ ວາງ​ອອກ​ທິດ​ທາງ​ແຜນການ​ຮ່ວມ​ມື​ໃນ​ຕໍ່ໜ້; ໂດຍກໍານົດເປົ້າໝາຍ ​ຄະນະ​ຜູ້​ແທນ​ແຕ່ຕັ້ງແຕ່​ 7 ຫາ 10 ສະຫາຍ, ໃນໄລຍະ​ເວລາ 03 ວັນ.

ໃນ​ກໍ​ລະ​ນີທີ່ສອງຝ່າຍ​ບໍ່​ສາ​ມາດ​ດຳ​ເນີນ​ການ​ແລກ​ປ່ຽນ​ຄະ​ນະ​ຜູ້​ແທນ ຕາມ​ກຳ​ນົດ​ເວ​ລາທີ່ວາງໄວ້, ແມ່ນຈະປະຕິບັດການແຈ້ງ, ​ແລກ​ປ່ຽນຂໍ້ມູນໃຫ້ກັນຊາບ ແລະ ດໍາເນີນກອງປະຊຸມ​ໃນ​ຮູບ​ແບບກອງປະຊຸມທາງໄກ (ອອນລາຍ)​.

4. ສອງ​ຝ່າຍ​ໄດ້​ເຫັນ​ດີ​ເປັນ​ເອກະສັນ​ກັນ​ວ່າ ຕ້ອງໄດ້ຊຸກຍູ້ການ​ພົວພັນ​ຮ່ວມ​ມື ໃຫ້ນັບມື້ນັບກ້າວ​ໄປ​ສູ່ລວງ​​ເລິກ​​. ນອກຈາກ​ການ​ແລກປ່ຽນ​ຄະນະ​ຜູ້​ແທນ​ແລ້ວ, ກໍ່ອາດຈະ​ສົມທົບ​ກັນຄົ້ນຄວ້າສ້າງ​ຕັ້ງ ​ແລະ ຜັນ​ຂະຫຍາຍ​ບັນດາ​ກົນ​ໄກ​ຮ່ວມ​ມື ​ເຊັ່ນ: ກອງປະຊຸມທາງໄກ (ອອນລາຍ)​ ເພື່ອລາຍ​ງານ​ກ່ຽວກັບສະພາບ​ການ​, ສຳ​ມະ​ນາ​ດ້ານທິດ​ສະ​ດີ, ​ແລກປ່ຽນ​ບົດຮຽນດ້ານພຶດຕິກໍາ​ຕົວຈິງ, ພິມຈຳໜ່າຍ​ເອກະສານ​ໂຄສະນາ... ໃນ​ກໍລະນີ​ມີ​ບັນຫາ​ໃໝ່​ເກີດ​ຂຶ້ນ ແລະ ເຫັນວ່າມີຄວາມຈຳ​ເປັນຮີບດ່ວນ, ສອງ​ຝ່າຍ​ຈະ​ປຶກສາ​ຫາລື ​ແລະ ​ແຈ້ງ​ໃຫ້ກັນຊາບ ເພື່ອ​ດໍາເນີນການພົບ​ປະ, ​ແລກປ່ຽນຄໍາ​ຄິດຄໍາ​ເຫັນ ​ແລະ ຈັດຕັ້ງຜັນຂະຫຍາຍໄດ້​ຢ່າງ​ທັນ​ການ.

5. ສອງຝ່າຍໄດ້ຕົກລົງເຫັນດີເປັນເອກະພາບຮ່ວມກັນ ໃນການຈັດກອງປະຊຸມພົບປະຄັ້ງຕໍ່ໄປ, ແມ່ນຄະນະໂຄສະນາອົບຮົມແຂວງສາລະວັນ ເປັນເຈົ້າພາບ, ຄາດຄະເນໃນຊ່ວງເຄິ່ງກາງຂອງທ້າຍປີ 2024. ຄະນະໂຄສະນາອົບຮົມແຂວງສາລະວັນ ຮຽນເຊີນຄະນະໂຄສະນາສຶກສາພັກແຂວງເທື່ອທຽນເຫວ້ ເດີນທາງໄປຢ້ຽມຢາມ ແລະ ເຮັດວຽກຢ່າງເປັນທາງການຢູ່ແຂວງສາລະວັນ (ສໍາລັບວັນ, ເວລາ ລະອຽດສອງຝ່າຍຈະປຶກສາຫາລື, ເປັນເອກະພາບກັນພາຍຫຼັງ ແລະ ລາຍງານໃຫ້ກັນຊາບກ່ອນລ່ວງໜ້າກອງປະຊຸມ 30 ວັນ).