ຄະນະພັກຮາກຖານພະແນກໂຍທາທິການ ແລະ ຂົນສົ່ງແຂວງສາລະວັນ ດໍາເນີນຊີວິດການເມືອງທ້າຍສະໄໝ ທີ VII ຕິດພັນກັບການທາບທາມບຸກ ຄະລາກອນເຂົ້າໂຄງປະກອບຮອບ ສະໃໝທີ VIII ຮອບທີ II
ໃນຕອນເຊົ້າວັນທີ 28 ມີນາ 2025 ນີ້ທີ່ຫ້ອງປະຊຸມພະແນກໂຍທາທິການ ແລະ ຂົນສົ່ງແຂວງສາລະວັນ ຄະນະພັກຮາກຖານພະແນກໂຍທາທິການ ແລະ ຂົນສົ່ງແຂວງສາລະວັນ ດໍາເນີນຊີວິດການເມືອງທ້າຍສະ ໄໝ ທີ VII ຕິດພັນກັບການທາບທາມຮ່າງລາຍງານການເມືອງ, ຮ່າງແຜນພັດທະນາ ແລະ ຮ່າງບົດສໍາຫຼວດການນໍາພາລວມ ແລະ ບຸກຄະລາກອນເຂົ້າໂຄງປະກອບຮອບ ສະໃໝທີ VIII ຮອບທີ II ພາຍໃຕ້ການເຂົ້າຮ່ວມເປັນປະທານ ຂອງ ສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງສາລະວັນ ໃນນາມຕ່າງໜ້າຄະນະພັກຂັ້ນເທິງ ໃຫ້ກຽດເປັນປະທານ ຂອງສະຫາຍ ບົວແພງເພັດ ໂຊໄຊ ເລຂາຄະນະພັກຮາກຖານ, ຫົວໜ້າພະແນກໂຍທາທິການ ແລະ ຂົນສົ່ງແຂວງສາລະວັນ ມີບັນດາສະຫາຍຮອງເລຂາຄະນະພັກຮາກຖານ, ຄະນະພັກ, ເລຂາໜ່ວຍພັກ ທີ່ຂຶ້ນກັບ, ຕ່າງໜ້າຄະນະກວດກາ, ຄະນະຈັດຕັ້ງ ແລະ ສະມາຊິກພັກ ພາຍໃນຄະນະພັກຮາກຖານ ເຂົ້າຮ່ວມ.
ກອງປະຊຸມ ສະຫາຍ ບົວແພງເພັດ ໂພໄຊ ໄດ້ຜ່ານຄໍາແນະນໍາ ເລກ ທີ 225 ກ່ຽວກັບການກະກຽມ ແລະ ດໍາເນີນຊີວິດການເມືອງທ້າຍສະໄໝ ເພື່ອກ້າວເຂົ້າສູ່ກອງປະຊຸມໃຫຍ່ 3 ຂັ້ນ ຂອງພັກ ຈຸດປະສົງລະດັບຄາດໝາຍ ກໍເພື່ອຕີລາຄາລວມຜົນຂອງຄະນະພັກ ກໍຄືການປະຕິບັດໜ້າທີ່ການເມືອງ, ຝຶກຝົນຫຼໍ່ຫຼອມຕົນເອງ, ບຸກຄົນໃນຄະນະພັກ, ສະມາຊິກພັກ ເພື່ອໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ສາມາດ ຖອດຖອນບົດຮຽນໄດ້, ສືບຕໍ່ຜັນຂະຫຍາຍຜົນຂອງການດໍາເນີນຊີວິດການເມືອງກາງສະໄໝຜ່ານມາ ໂດຍສຸມໃສ່ແກ້ ໄຂຈຸດອ່ອນຂໍ້ຄົງຄ້າງ ຂອງການຈັດຕັ້ງພັກ, ບຸກຄົນໃນຄະນະພັກ, ສ້າງການຫັນປ່ຽນຢ່າງເລິກເຊິ່ງໃນການຕີລາຄາແບ່ງ ປະເພດ, ຄຸນນະພາບຂອງການຈັດຕັ້ງພັກ, ບຸກຄົນຄະນະພັກ, ບຸກຄົນສະມາຊິກພັກ ໂດຍສ່ອງແສງຖືກຕ້ອງ, ສອດຄ່ອງ ກັບການຫັນປ່ຽນວຽກງານຕົວຈິງ, ສາມາດສ້າງພື້ນຖານ ແລະ ປັດໄຈອັນໃໝ່ໃຫ້ແກ່ການຈັດຕັ້ງພັກ, ຄະນະພັກ, ບຸກຄົນສະມາຊິກພັກ ມີການຫັນປ່ຽນຢ່າງຕັ້ງໜ້າໃນດ້ານແບບແຜນການນໍາພາ, ແບບແຜນວິທີເຮັດວຽກ, ມີຄວາມ ສາມັກຄີເປັນເອກະພາບ, ຄວາມເປັນເຈົ້າບຸກບືນເຮັດແທ້ທຳຈິງ.
ຈາກນັ້ນ ສະຫາຍ ຈັນສະໝອນ ພົມມະແສງ ໄດ້ເຊື່ອມຊຶມເອກະສານ 3 ບົດ ຂອງຄະນະໂຄສະນາອົບຮົມແຂວງເປັນຕົ້ນ: ຮໍ່າຮຽນເອົາແບບແຜນວິທີເຮັດວຽກ ແລະຄຸນສົມບັດສິນທໍາປະຕິວັດ ຂອງປະທານໄກສອນ ພົມວິຫານ,ຝຶກຝົນຫຼໍ່ຫຼອມຄຸນທາດການເມືອງ ແລະຄຸນສົມບັດສິນທໍາປະຕິວັດ ຂອງພະນັກງານສະມາຊິກພັກ ແລະມາດຖານເງື່ອນໄຂຂອງພະນັກງານ, ສະມາຊິກພັກໃນເງື່ອນໄຂໃໝ່, ໃນກອງປະຊຸມ ຍັງຈະໄດ້ຜ່ານຮ່າງບົດ ສໍາຫຼວດການນໍາພາລວມ, ຜ່ານຮ່າງບົດລາຍງານການເມືອງ ແລະ ແຜນພັດທະນາຂະແໜງ, ດໍາເນີນຊີວິດການເມືອງທ້າຍສະໄໝ ພ້ອມທັງ ຜ່ານມາດຖານເງື່ອນໄຂຜູ້ທີ່ຈະອອກສະໝັກຮັບເລືອກຕັ້ງ ຄະນະພັກຊຸດໃໝ່, ເລຂາ, ຮອງເລຂາ, ປະທານ, ຮອງປະທານກວດກາ ແລະ ຈະໄດ້ດໍາເນີນການປ່ອນບັດທາບທາມ ຮອບ II ຕື່ມອີກ.
