ຄະນະພັກຮາກຖານຫ້ອງວ່າການແຂວງສາລະວັນ ດຳເນີນຊີວິດການເມືອງ ທ້າຍສະໄໝທີ VII ຕິດພັນກັບການທາບທາມໂຄງປະກອບຄະນະພັກຊຸດໃໝ່ ຮອບທີ 2.

ຄະນະພັກຮາກຖານຫ້ອງວ່າການແຂວງສາລະວັນ ດຳເນີນຊີວິດການເມືອງ ທ້າຍສະໄໝທີ VII

ຕິດພັນກັບການທາບທາມໂຄງປະກອບຄະນະພັກຊຸດໃໝ່ ຮອບທີ 2.

 

ຄະນະພັກຮາກຖານຫ້ອງວ່າການແຂວງສາລະວັນ ໄດ້ຈັດກອງປະຊຸມດໍາເນີນຊີວິດການເມືອງ ທ້າຍສະໄໝທີ VII ຕິດພັນກັບການທາບທາມຮ່າງລາຍງານການເມືອງ, ຮ່າງແຜນພັດທະນາຫ້ອງວ່າການແຂວງສາລະວັນ, ຮ່າງບົດສໍາຫຼວດການນໍາພາລວມ ແລະ ທາບທາມໂຄງປະກອບຄະນະພັກຊຸດໃໝ່ ຮອບທີ 2. ກອງປະຊຸມດັ່ງກ່າວ ໄດ້ເປີດຂື້ນໃນຕອນເຊົ້າຂອງວັນທີ 14 ກຸມພາ 2025 ຢູ່ທີ່ຫ້ອງປະຊຸມ VIP ຊັ້ນສອງ ສະໂມສອນໃຫຍ່ຂອງແຂວງ ໃຫ້ກຽດເປັນປະທານ ຂອງສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ຮອງຫົວໜ້າອະນຸໂຄສະນາປຸກລະດົມຂະບວນການ ແລະ ຍ້ອງຍໍຂັ້ນແຂວງ ໃນນາມຕ່າງໜ້າຄະນະພັກຂັ້ນເທິງ, ໃຫ້ກຽດເຂົ້າຮ່ວມ ມີສະຫາຍ ຈັນເພັງ ສາຍທໍາມະວົງ ກໍາມະການພັກແຂວງ, ຫົວໜ້າຫ້ອງວ່າການແຂວງ, ເລຂາຄະນະພັກຮາກຖານ ຫົວໜ້າຫ້ອງວ່າການແຂວງ, ມີສະຫາຍຮອງເລຂາ, ສະຫາຍຄະນະພັກຮາກຖານ, ເລຂາ-ຮອງເລຂາໜ່ວຍພັກ, ຄະນະໜ່ວຍພັກທີ່ຂື້ນກັບຄະນະພັກຮາກຖານ ຫ້ອງວ່າການແຂວງ, ແຂກທີ່ຖືກເຊີນຈາກພາກສ່ວນທີ່ກ່ຽວຂ້ອງ, ຕະຫຼອດສະມະຊິກພັກ ເຂົ້າຮ່ວມ.

ໃນກອງປະຊຸມສະຫາຍ ຈັນເພັງ ສາຍທໍາມະວົງ ໄດ້ໃຫ້ກຽດເຊື່ອມຊຶມຄໍາແນະນໍາຂອງຄະນະກວດກາພັກແຂວງ ເລກທີ 225/ຄກພຂ, ລົງວັນທີ 22 ພະຈິກ 2023 ກ່ຽວກັບການກະກຽມ ແລະ ດໍາເນີນຊີວິດການເມືອງທ້າຍສະໄໝ ເພື່ອກ້າວເຂົ້າສູ່ກອງປະຊຸມໃຫ່ຍ 3 ຂັ້ນຂອງພັກ.ຫຼັງຈາກນັ້ນ, ສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ຮອງຫົວໜ້າອະນຸໂຄສະນາປຸກລະດົມຂະບວນການ ແລະ ຍ້ອງຍໍຂັ້ນແຂວງ ໄດ້ໃຫ້ກຽດຂື້ນຜ່ານເອກະສານ 3 ບົດຄື: ຮໍ່າຮຽນເອົາແບບແຜນວິທີເຮັດວຽກ ແລະ ຄຸນສົມບັດສິນທໍາປະຕິວັດ ຂອງປະທານໄກສອນ ພົມວິຫານ; ຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສະທໍາປະຕິວັດ ຂອງພະນັກງານ, ສະມາຊິກພັກ ແລະ ເອກະສານມາດຖານຂອງພະນັກງານ, ສະມາຊິກພັກ ໃນເງືື່ອນໄຂໃໝ່.

ນອກນັ້ນ, ໃນກອງປະຊຸມຍັງຈະໄດ້ຜ່ານຮ່າງບົດສຳຫຼວດການນຳພາລວມ ຂອງຄະນະພັກຮາກຖານ ສະໄໝທີ VII, ຜ່ານບົດສຳຫຼວດບຸກຄົນ ພ້ອມທັງມີການຕຳນິສົ່ງຂ່າວຊ່ວຍເຫຼືອເຊີ່ງກັນ ແລະ ກັນ ເພື່ອປັບປຸງຂອດຄົງຄ້າງໃຫ້ດີຂື້ນ; ຜ່ານຮ່າງບົດສະຫຼຸບຜົນການດໍາເນີນຊີວິດການເມືອງ ທ້າຍສະໄໝທີ VII; ຜ່ານຮ່າງບົດລາຍງານການເມືອງ ຂອງຄະນະພັກຮາກຖານ ທ້າຍສະໄໝ VII;  ຜ່ານຮ່າງບົດສະຫຼຸບການຈັດຕັ້ງປະຕິບັດແຜນພັກທະນາ ຫ້ອງວ່າການແຂວງ 5 ປີ ( 2020- 2024) ແລະ ທິດທາງແຜນການ ( 2025- 2029 ).

 

ໃນກອງປະຊຸມ ຈະໄດ້ຜ່ານມາດຖານ-ເງື່ອນໄຂຜູ້ທີ່ຈະອອກສະໝັກຮັບເລືອກຕັ້ງເປັນຄະນະພັກຮາກຖານ ແລະ ຜ່ານມາດຖານເງື່ອນໄຂສະຫາຍເລຂາຄະນະພັກຮາກຖານ, ຮອງເລຂາ, ປະທານຮອງປະທານກວດກາພັກ, ຈາກນັ້ນ ປະທານກອງປະຊຸມຈະມີຄໍາເຫັນໂອ້ລົມ ພ້ອມທັງຈະໄດ້ດຳເນີນການປ່ອນບັດທາບທາມຮອບທີ II ກອງປະຊຸມດັ່ງກ່າວ ຈະໄດ້ດໍາເນີນໄປເປັນເວລາ 1 ວັນຈິ່ງຈະສໍາເລັດ.