ຄະນະໂຄນາອົບຮົມແຂວງສາລະວັນ ສະຫຼຸບຕີລາຄາວຽກງານໂຄສະນາອົບຮົມ ປະຈໍາເດືອນ ກຸມພາ 2024.
ມາໃນວັນທີິ 27 ກຸມພາ 2024 ຄະນະໂຄນາອົບຮົມແຂວງສາລະວັນ ໄດ້ຈັດກອງປະຊຸມສະຫຼຸບວຽກງານໂຄສະນາອົບຮົມແຂວງ ປະຈໍາເດືອນກຸມພາ 2024 ແລະ ວາງທິດທາງແຜນການປະຈໍາເດືອນ ມີນາ 2024 ຜ່ານກອງປະຊຸມທາງໄກ ໂດຍການເປັນປະທານ ຂອງທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ມີບັນດາຫົວໜ້າ ຮອງຫົວໜ້າຄະນະໂຄສະນາອົບຮົມ 8 ເມືອງ, ພະນັກງານຫຼັກແຫຼ່ງ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.
ໃນພິທີ, ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໄດ້ໃຫ້ກຽດກ່າວເປີດ ຫຼັງຈາກນັ້ນ, ທ່ານ ນາງ ບຸຜາ ສຸດທິຈັກ ຫົວໜ້າຫ້ອງການ ຄະນະໂຄສະນາອົບຮົມແຂວງ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານໂຄສະນາອົບຮົມ ປະຈໍາເດືອນ ກຸມພາ ແລະ ຜ່ານທິດທາງແຜນການ ປະຈໍາເດືອນ ມີນາ 2024. ຈາກນັ້ນ, ບັນດາທ່ານ ຄະນະໂຄສະນາອົບຮົມເມືອງ ແລະ ບັນດາທ່ານ ຫົວໜ້າຂະແໜງ ຈາກຄະນະໂຄສະນາອົບຮົມແຂວງ ກໍ່ໄດ້ມີຄໍາເຫັນແລກປ່ຽນ ຢ່າງມີບັນຍາດກາດຟົດຟື້ນ.
