ໃນວັນທີ 6 ພຶດສະພາ 2024 ນີ້, ຄະນະໂຄສະນາອົບຮົມແຂວງສາລະວັນ ໄດ້ເຊື່ອມຊຶມມະຕິ ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່ ຕິດພັນກັບການເຊື່ອມຊຶມມະຕິ ເລກທີ 155/ຄ.ປຊ-ປສ, ເຊກອງ ລົງວັນທີ 26 ກຸມພາ 2024 ກອງປະຊຸມວຽກງານປ້ອງກັນຊາດ-ປ້ອງກັນຄວາມສະຫງົບ 4 ແຂວງພາກໃຕ້ (ເຊກອງ, ສາລະວັນ, ອັດຕະປື, ຈໍາປາສັກ ແລະ ກອງພົນທີ 5 ) ປະຈໍາປີ 2023 ແລະ ທິດທາງແຜນການວຽກງານຈຸດສຸມ ປີ 2024 ທີ່ແຂວງເຊກອງ ຂື້ນຢູ່ທີ່ຫ້ອງການຂອງຄະນະໂຄສະນາອົບຮົມແຂວງ ໃຫ້ກຽດເຊື່ອມຊຶມເອກະສານດັ່ງກ່າວ ໂດຍແມ່ນ ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ເຂົ້າຮ່ວມຮັບຟັງມີ
ທ່ານ ຄໍາພູນ ຈັນທະລາດ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ມີບັນດາພະນັກງານ-ຫຼັກແຫຼ່ງ, ພະນັກງານ-ລັດຖະກອນເຂົ້າຮ່ວມ.
