ຄະນະໂຄສະນາອົບຮົມແຂວງສາລະວັນ ເຊື່ອມຊຶມມະຕິ 15 ຂອງອົງຄະນະພັກແຂວງ ສະໄໝທີ IX ຕິດພັນກັບການເຊື່ອມຊຶມ ມະຕິ 13 ຂອງອົງການປົກຄອງແຂວງສາລະວັນ ຊຸດທີ IX.
ມາໃນວັນທີ 5 ສິງຫາ 2024 ຄະນະໂຄສະນາອົບຮົມແຂວງສາລະວັນ ໄດ້ເຊື່ອມຊຶມມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 15 ສະໄໝທີ IX ຕິດພັນກັບການເຊື່ອມຊຶມມະຕິ ຄັ້ງທີ 13 ຂອງອົງການປົກຄອງແຂວງສາລະວັນ ຊຸດທີ IX ຢູ່ທີ່ຫ້ອງການຄະນະໂຄສະນາອົບຮົມແຂວງ ໂດຍການໃຫ້ກຽດເປັນປະທານ ຂອງທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ມີບັນດາທ່ານ ພະນັກງານ-ຫຼັກແຫຼ່ງ, ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.
ໃນພິທີດັ່ງກ່າວ ຂອງທ່ານ ຄໍາພູນ ຈັນທະລາດ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ໄດ້ໃຫ້ກຽດເຊື່ອມຊຶມມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 15 ສະໄໝທີ IX ທ່ານໄດ້ກ່າວວ່າ: ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 15 ສະໄໝທີ IX ໄຂຂຶ້ນຢ່າງເປັນທາງການ, ໃນຕອນເຊົ້າຂອງວັນທີ 12 ກໍລະກົດ 2024, ທີ່ສະໂມສອນແຂວງ, ພາຍໃຕ້ການເປັນປະທານຂອງ ສະຫາຍ ດາວວົງ ພອນແກ້ວ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງສາລະວັນ, ມີບັນດາສະຫາຍຮອງເລຂາພັກແຂວງ, ຄະນະປະຈໍາພັກແຂວງ, ກຳມະການພັກແຂວງ, ບັນດາສະຫາຍເລຂາພັກເມືອງ; ພະນັກງານລົງຮາກຖານ 8 ເມືອງ ແລະ ບັນດາສະຫາຍທີ່ກ່ຽວຂ້ອງເຂົ້າຮ່ວມ. ຈາກນັ້ນ, ທ່ານ ກໍ່ໄດ້ຜ່ານເນື້ອໃນທີ່ສໍາຄັນຂອງມະຕິກອງປະຊຸມ.
ໃນຕອນທ້າຍພິທີ ທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໄດ້ໃຫ້ກຽດເຜີຍແຜ່ເຊື່ອມຊຶມ ມະຕິກອງປະຊຸມອົງການປົກຄອງແຂວງສາລະວັນ ເປີດກ້ວາງຄັ້ງທີ 13 ຊຸດທີ IX ຕື່ມອີກ.
