ຄະນະໂຄສະນາອົບຮົມແຂວງສາລະວັນ ເຂົ້າຮ່ວມສ່ອງແສງລາຍງານ ວຽກງານໂຄສະນາຜ່ານສື່ເອເລັກໂຕຼນິກ ( ເວັບໄຊສ ) ປະຈໍາໄຕມາທີ I ຮ່ວມກັບຄະນະໂຄສະນາອົບຮົມທົ່ວປະເທດ ຜ່ານກອງປະຊຸມທາງໄກ.
ໃນຕອນເຊົ້າຂອງ ວັນທີ 2 ເມສາ 2024, ຄະນະໂຄສະນາອົບຮົມແຂວງສາລະວັນ ໄດ້ເຂົ້າຮ່ວມກອງປະຊຸມສ່ອງແສງລາຍງານ ການເຄື່ອນໄຫວວຽກງານໂຄສະນາຜ່ານສຶ່ເອເລັກໂຕຼນິກ (ເວັບໄຊ) ປະຈໍາໄຕມາດ I (1-2-3) ແລະ ທິດທາງແຜນການໃນຕໍ່ໜ້າ ຮ່ວມກັບຄະນະໂຄສະນາອົບຮົມທົ່ວປະເທດ ໂດຍການເປັນປະທານ ແລະ ກ່າວເປີດກອງປະຊຸມຂອງ ທ່ານ ວັນຕຸລາ ຣັກນຸດ ກໍາມະການຄະນະພັກ, ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ໃຫ້ກຽດເຂົ້າຮ່ວມມີ: ທ່ານ ພູວັນ ສຸວັນ ຮອງຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ມີຮອງຫົວໜ້າຄະນະໂຄສະນາອົບຮົມທົ່ວປະເທດ, ຜູ້ຊີ້ນໍາວຽກງານເວັບໄຊສ, ຫົວຫນ້າຂະແໜງການ, ຮອງຫົວຫນ້າຂະແໜງການ, ຄະນະຮັບຜິດຊອບວຽກງານເວັບໄຊສ ຂອງຄະນະໂຄສະນາອົບຮົມທົ່ວປະເທດ ແລະ ພະນັກງານພາຍໃນພະແນກເຕັກໂນໂລຊີ-ຂໍ້ມູນຂ່າວສານ ຄະນະໂຄສະນາອົບຮົມສູນກາງພັກ. ສໍາລັບຄະນະໂຄສະນາອົບຮົມແຂວງສາລະວັນ ໃຫ້ກຽດເຂົ້າຮ່ວມຂອງທ່ານ ຈັນທະວອນ ສີຫາຈັກ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ, ມີຫົວໜ້າແລະ ຮອງຂະແໜງສັງລວມຫາງສຽງສັງຄົມ-ຂໍ້ມູນຂ່າວສານ ເຂົ້າຮ່ວມ.
#ໃນພິທີ ທ່ານ ຈັນທະວອນ ສີຫາຈັກ ກໍ່ໄດ້ລາຍງານຫຍໍ້ ສະພາບລວມຂອງການຂຽນຂ່າວ, ລົງຂ່າວ, ການຈັດການບໍລິຫານໜ້າເວັບໄຊ ຂອງແຂວງສາລະວັນ ໃນໄລຍະ 3 ເດືອນຜ່ານມາ ( 1-2-3 ) ຂະແໜງສັງລວມຫາງສຽງສັງຄົມ-ຂໍ້ມູນຂ່າວສານ ຄອຂ ພວກເຮົາ ກໍ່ໄດ້ມີຄວາມພະຍາຍາມສຸມສະຕິປັນຍາ ເຂົ້າໃນການເຄື່ອນໄຫວວຽກງານດັ່ງກ່າວ ຢ່າງຕັ້ງໜ້າ ປະກອບສ່ວນເຂົ້າໃນການຂຽນຂ່າວ, ລົງຂ່າວ, ຈັດການບໍລິການໜ້າເວັບໄຊສ ເຊິ່ງຜ່ານມາ ພວກເຮົາ ໄດ້ຂຽນຂ່າວລົງຜ່ານສື່ເວັບໄຊສ ໄດ້ທັງໝົດ 53 ບົດຂ່າວ ໃນນັ້ນ, ໃນນັ້ນ, ລົງຂ່າວຜ່ານເວັບໄຊສ 53 ບົດຂ່າວ ແລະ ເຟສບຸກ 53 ບົດຂ່າວ ເຊິ່ງປະກອບມີຂ່າວການເຄື່ອນໄຫວ ຂອງຄະນະນໍາຄະນະໂຄສະນາອົບຮົມແຂວງ ບັນຍາຍເອກະສານ 3 ບົດ, ຮ່ວມກອງປະຊຸມໃຫຍ່ ຂອງໜ່ວຍພັກອ້ມຂ້າງແຂວງ, ຂ່າວພິທີປາຖະກະຖາວັນສໍາຄັນຕ່າງໆ ຂອງພັກຂອງຊາດ ຂອງສາກົນ, ຮຽນສະໜັບສະໜູນໃຫ້ແກ່ມະຫາຊົນ ຜູ້ທີ່ມີຄວາມກ້າວໜ້າ ແລະ ຂ່າວທີ່ສໍາຄັນອື່ນໆອີກ.
– ສື່ຢູທູບ ມີຜູ້ຕິດຕາມ 282 ຄົນ ລົງຄີບວີດີໂອທັງໝົດ 31 ຄີບ ຄີບສ່ວນໃຫຍ່ແມ່ນຄີບຄອບຄົວຕົວແບບການປູກ-ການລ້ຽງເປັນສິນຄ້າ ມີຜູ້ເຂົ້າຊົມ ທັງໝົດ 32,426 ວີວ
– ສື່ເຟສບຸກມີຜູ້ຕິດຕາມ 5.824 ຄົນ ມີຜູ້ກົດໄລ ໃນບົດຂ່າວໜື່ງ 60 ກວ່າໄລ ແລະ ມີຜູ້ກົດແຊໃນບົດຂ່າວ ໜື່ງ ບໍ່ຕໍ່າກວ່າ 30 ຍອດແຊ
2, ການບໍລິຫານ ຈັດການໜ້າເວັບໄຊສ
ສໍາລັບການບໍລິຫານຈັດການໜ້າເວັບໄຊສ ຂອງ ຄອຂ ສາລະວັນ ຂອງພວກເຮົາ ໄດ້ປັບປຸງໜ້າເວັບໄຊສ ຂອງຕົນ ເປັນຕົ້ນແມ່ນ ໄດ້ອັບໂຫຼດບັນດາມະຕິ, ຄໍາສັ່ງ, ເອກະສານທີ່ສໍາຄັນຄັນຕ່າງໆ, ແຈ້ງການ, ໂຄງຮ່າງການຈັດຕັ້ງ, ດຶງວີດີໂອຈາກຍູທູບ, ເພີ່ມມີນູນເອກະສານ ເຂົ້າໃສ່ ແລະ ດຶງເອົາລິ້ງເຟສບຸກຂອງຄອຂ ລົງໃສ່ໜ້າເວັບ.
3, ສໍາລັບການລົງທະບຽນນໍາໃຊ້ ລະບົບຂໍ້ມູນຂ່າວສານອັດຕະໂນມັດ
ພາຍຫຼັງ ທີ່ຄະນະໂຄສະນາອົບຮົມແຂວງສາລະວັນ ພວກເຮົາ ໄດ້ຮັບແຈ້ງການແນະນໍາສະບັບເລກທີ 1231/ຄອສພ, ລົງວັນທີ 17/12/2024 ເລື່ອງ: ການລົງທະບຽນນໍາໃຊ້ລະບົບຂໍ້ມູນຂ່າວສານອັດຕະໂນມັດ ຂອງຄະນະໂຄສະນາອົບຮົມສູນກາງພັກ. ແຂວງພວກເຮົາ ກໍ່ໄດ້ແນະນໍາໃຫ້ພະນັກງານຄະນະໂຄສະນາອົບຮົມແຂວງ ລົງທະບຽນສໍາເລັດ ພາຍໃນຂັ້ນແຂວງ, ບໍ່ທັນສໍາເລັດສໍາລັບຂັ້ນເມືອງ
#ໃນຕອນທ້າຍຂອງກອງປະຊຸມ ທ່ານ ວັນຕຸລາ ຣັກນຸດ ກໍາມະການຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ ໄດ້ມີຄໍາເຫັນໂອ້ລົມຕື່ມອີກ.