ຄະນະໂຄສະນາອົບຮົມແຂວງສາລະວັນ ເຊື່ອມມະຕິກອງປະຊຸມຄົບຄະນະບໍລິຫານງານພັກແຂວງສາລະວັນ ເປີດກວ້າງ ຄັ້ງທີ 18 ສະໄໝທີ IX ແລະ ມະຕິກອງປະຊຸມອົງການປົກຄອງແຂວງ ເປີດກວ້າງ ຄັ້ງທີ 16 ຊຸດທີ IX
ໃນເຊົ້າ ຂອງວັນທີ 19 ພຶດສະພາ 2025 ຄະນະໂຄສະນາອົບຮົມແຂວງສາລະວັນ ໄດ້ເຊື່ອມຊືມມະຕິກອງປະຊຸມໃຫຍ່ຂອງອົງຄະນະພັກແຂວງສາລະວັນ ຄັ້ງທີ 18 ສະໄໝທີ IX ແລະ ມະຕິກອງປະຊຸມ ອົງການປົກຄອງແຂວງ ເປີດກວ້າງ ຄັ້ງທີ 16 ຊຸດທີ IX. ພິທີເຊື່ອມຊຶມເອກະສານດັ່ງກ່າວ ໄດ້ຈັດຂື້ນທີ່ຫ້ອງການຄະນະ
ໂຄສະນາອົບຮົມແຂວງສາລະວັນ ໂດຍພາຍໃຕ້ການປະທານຂອງສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມ ແລະ ເຂົ້າຮ່ວມມີບັນດາສະຫາຍຮອງຫົວໜ້າຄະນະໂຄສະນາອົບຮົມແຂວງ ບັນດາສະຫາຍຫົວໜ້າ, ຮອງຫົວໜ້າຂະແໜງ ຕະຫຼອດຮອດພະນັກງານວິຊາການ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.
