ທ່ານ ຫົວໜ້າຄະນະໂຄສະນາອົບຮົມແຂວງສາລະວັນ ເຂົ້າຮ່ວມມີຄໍາເຫັນໂອ້ລົມຕໍ່ກອງປະຊຸມອົງການປົກຄອງເມືອງລະຄອນເພັງ ຄັ້ງທີ 13 ຊຸດທີ VIII
ໃນວັນທີ 8 ສິງຫາ 2024 ນີ້, ທີ່ສະໂມສອນໃຫຍ່ຂອງເມືອງລະຄອນເພັງ ໄດ້ຈັດກອງປະຊຸມອົງການປົກຄອງເມືອງລະຄອນເພັງ ຄັ້ງທີ 13 ຊຸດທີ VIII ຂື້ນ, ໂດຍໃຫ້ກຽດເຂົ້າຮ່ວມມີຄໍາເຫັນໂອ້ລົມ ຂອງທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ຜູ້ຊີ້ນໍາວຽກງານງານຮອບດ້ານເມືອງລະຄອນເພັງ. ໃນກອງປະຊຸມຄັ້ງນີ້ ມີທ່ານ ທອງດີ ຈັນທະວົງ ກໍາມະການພັກແຂວງ ເລຂາພັກເມືອງ-ເຈົ້າເມືອງລະຄອນເພັງ; ມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ-ອົງການທຽບເທົ່າ, ກອງກໍ່ສ້າງຮາກຖານຂັ້ນແຂວງປະຈຳເມືອງ, ລັດວິຊາຫະກິດ, ພະນັກງານນຳພາຄຸ້ມຄອງ-ຜູ້ຊ່ວຍບ້ານ ເຂົ້າຮ່ວມ.
ກອງປະຊຸມຄັ້ງນີ້, ໄດ້ຮັບຟັງການເຜີຍແຜ່ມະຕິກອງປະຊຸມອົງການປົກແຂວງສາລະວັນ ຄັ້ງທີ 13 ຊຸດທີ IX ໂດຍໃຫ້ກຽດຜ່ານຂອງທ່ານທ່ານ ທອງດີ ຈັນທະວົງ ກໍາມະການພັກແຂວງ, ເລຂາພັກເມືອງ-ເຈົ້າເມືອງລະຄອນເພັງ. ໃນກອງປະຊຸມຍັງໄດ້ຜ່ານຮ່າງບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງເມືອງລະຄອນເພັງ ໄລຍະ 06 ເດືອນ ແລະ ວາງທິດທາງແຜນການ 06 ເດືອນ ປີ 2024, ຜ່ານຮ່າງບົດສະຫຼຸບງົບປະມານແຫ່ງລັດ ໄລຍະ 06 ເດືອນ ແລະທິດທາງແຜນການ 06 ເດືອນປີ 2024 ຕື່ມອີກ.
ຈານັ້ນ, ຜູ້ເຂົ້າຮ່ວມກອງປະຊຸມ ຍັງໄດ້ຮ່ວມກັນສຸມໃສ່ການຄົ້ນຄວ້າ, ປຶກສາຫາລື ແລະ ປະກອບຄໍາເຫັນໃສ່ຮ່າງລາຍງານຂອງແຕ່ລະຂະແໜງການ ຢ່າງກົງໄປກົງມາ ແລະ ມີບັນຍາກາດຟົດຟື້ນ ເພື່ອໃຫ້ມີເນື້ອໃນຄົບຖ້ວນ, ສົມບູນ ແລະສອດຄ່ອງ.