ສະຫະພັນແມ່ຍິງ ໜ່ວຍຄະນະໂຄສະນາອົບຮົມແຂວງ ສໍາເລັດກອງປະຊຸມສະຫຼຸບ ການຈັດຕັ້ງປະຕິບັດວຽກງານ ຄັ້ງທີ IV
ວັນທີ 31 ຕຸລາ 2024, ສະຫະພັນແມ່ຍິງ ໜ່ວຍຄະນະໂຄສະນາອົບຮົມແຂວງ ໄດ້ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານ ຄັ້ງທີ IV, ທີ່ຫ້ອງປະຊຸມຂອງຕົນ, ໂດຍການເປັນປະທານຂອງ ທ່ານ ນາງ ບຸຜາ ສຸດທິຈັກ ປະທານສະຫະພັນແມ່ຍິງ ໜ່ວຍຄະນະໂຄສະນາອົບຮົມແຂວງ ແລະ ໃຫ້ກຽດເຂົ້າຮ່ວມຂອງທ່ານ ນາງ ມະນີລາ ຈັນທະວົງສາ ຮອງປະທານຄະນະບໍລິຫານງານສະຫະພັນແມ່ແຂວງ, ມີບັນດາຕາງໜ້າອົງການຈັກຕັ້ງມະຫາຊົນໃນຄະນະໂຄສະນາອົບຮົມແຂວງ, ແຂກທີ່ຖືກເຊີນ ພ້ອມດ້ວຍສະມາຊິກແມ່ຍິງເຂົ້າຮ່ວມ.
ໃນກອງປະຊຸມໄດ້ເປັນເອກະສັນ ຮັບຮອງເອົາບັນດາເນື້ອໃນສໍາຄັນ ເປັນຕົ້ນແມ່ນ: 1. ຮັບຮອງເອົາບົດສະຫລຸບຕີລາຄາການຈັດຕັ້ງປະຕິບັດວຽກງານສະຫະພັນແມ່ຍິງ ໜ່ວຍຄະນະໂຄສະນາອົບຮົມແຂວງ ສະ ໄໝທີ III ເຊິ່ງໄດ້ສະຫລຸບຕີລາຄາ ຢ່າງພາວະວິໄສ ຕໍ່ຜົນງານການເຄື່ອນໄຫວຂອງຄະນະໜ່ວຍ, ສະມາຊິກແມ່ຍິງ ການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ III, ໃນ 3 ແຜນງານ 4 ໂຄງການ ພັດທະນາແມ່ຍິງຂອງຮາກຖານ, ຜົນສໍາເລັດດັ່ງກ່າວໄດ້ຢັ້ງຢືນເຖິງການປະກອບສ່ວນຂອງສະມາຊິກແມ່ຍິງເຂົ້າໃນການຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ VI ຂອງສະຫະພັນແມ່ຍິງແຂວງ
- ຮັບຮອງເອົາທິດທາງວຽກງານ ສະຫະພັນແມ່ຍິງຄະນະໂຄສະນາອົບແຂວງໃນ 5 ປີຕໍ່ໜ້າ, ເຊິ່ງລວມມີ 5 ທິດທາງລວມ, 3 ຄາດໝາຍສູ້ຊົນ, ພ້ອມທັງໄດ້ວາງມາດຕະການ ແລະ ວິທີຕັ້ງປະຕິບັດ ເພື່ອເຮັດໜ້າທີ່ວຽກງານ ໃນຊຸມປີຕໍ່ໜ້າສາມາດບັນລຸໄດ້ຕາມຄາດໝາຍ.
- ຮັບບຮອງເອົາບົດສຳຫລວດການນໍາພາລວມ ຂອງໜ່ວຍສະໄໝທີ III
- ກອງປະຊຸມ ຍັງໄດ້ແຕ່ງຕັ້ງບົ່ງໂຕຄະນະສະຫະພັນແມ່ຍິງ ຄະນະໂຄສະນາອົບຮົມຊຸດໃໝ່ ຈໍານວນ 2 ສະຫາຍຄື:
1.) ສະຫາຍ ນາງ ດາວັນ ດວງບຸດດາ ເປັນຫົວໜ້າໜ່ວຍ.
2.) ສະຫາຍ ນາງ ອຳຄາ ທຳມະຈັກ ເປັນຮອງໜ່ວຍ ທັງເປັນປະທານກວດກາ
