ສາລະວັນ ຈັດພິທີໂຮມຊຸມນຸມສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ.
ພິທີສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິບັດລາວ ຄົບຮອບ 70 ປີ (22 ມີນາ 1955 – 22 ມີນນາ 2025), ໄດ້ຈັດຂຶ້ນໃນຕອນບ່າຍຂອງວັນທີ 22 ມີນານີ້, ຢູ່ທີ່ສະໂມສອນຂອງແຂວງ, ໂດຍໃຫ້ກຽດເຂົ້າຮ່ວມຂອງ ສະຫາຍ ດາວວົງ ພອນແກ້ວ ກໍາມະການສູນກາງພັກ ເລຂາພັກແຂວງ ເຈົ້າແຂວງສາລະວັນ, ສະຫາຍ ນາງ ຕ້າ ເຟືອງ ຢຸງ ກົງສູນໃຫຍ່ ສສ ຫວຽດນາມ ປະຈໍານະຄອນປາກເຊ ແຂວງຈຳປາສັກ, ມີບັນດາສະຫາຍອະດິດການນໍາຂອງແຂວງ, ພະນັກງານອາວຸໂສບໍາບານ, ບັນດາສະຫາຍຄະນະບໍລິຫານງານພັກແຂວງ, ການນໍາຂອງເມືອງ 8 ຕົວເມືອງ ແລະ ການນໍາຂອງ 3 ແຂວງ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ, ພະນັກງານ-ຫຼັກແຫຼ່ງ, ພະນັກງານ-ສະມາຊິກພັກ, ພະນັກງານ-ອາວຸໂສບໍານານ ແຂກທີ່ຖືກເຊີນຈາກ ສສ ຫວຽດນາມ ແລະ ນັກຮຽນ ເຂົ້າຮ່ວມ.
ເນື່ອງໃນໂອກາດ ສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ນີ້, ສະຫາຍ ສະຫາຍ ປອ ດາວວົງ ພອນແກ້ວ ຕາງໜ້າໃຫ້ການນໍາແຂວງສາລະວັນ ໄດ້ກ່າວປາໄສຕໍ່ພິທີໂຮມຊຸມນຸມ ດັ່ງກ່າວ ກ່ອນອື່ນ ສະຫາຍໄດ້ສະແດງຄວາມຍ້ອງຍໍສັນລະເສີນ ຕໍ່ຄະນະພັກທຸກຂັ້ນ ໃນທົ່ວແຂວງ ທີ່ຜ່ານຜ່າຄວາມຫຍຸ້ງຍາກລຳບາກ, ອຸທິດສະຕິປັນຍາ, ກໍາລັງວັງຊາ ແລະ ເສຍສະຫຼະທຸກສິ່ງທຸກຢ່າງ ເພື່ອຜົນປະໂຫຍດລວມ ຂອງປະເທດຊາດ ອັນແສນຮັກຂອງພວກເຮົາ ແລະ ໄດ້ຫວນຄືນປະຫວັດການກຳເນີດ, ການເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີ ຂອງພັກ ຕະຫຼອດໄລຍະ 70 ປີຜ່ານມາ.
ຈາກນັ້ນ, ສະຫາຍ ປອ ດາວວົງ ພອນແກ້ວ ໄດ້ເນັ້ນໜັກວ່າ: ຄະນະພັກແຕ່ລະຂັ້ນຕ້ອງເອົາໃຈໃສ່ຢ່າງແຂງແຮງ ໃນຕໍ່ໜ້າ ໂດຍສຸມໃສ່ບາງເນື້ອໃນຕົ້ນຕໍ ດັ່ງນີ້:
ໜຶ່ງ: ສ້າງໃຫ້ໄດ້ບັນດາເງື່ອນໄຂຕ່າງໆ ເພື່ອໃຫ້ຫຼຸດພົ້ນອອກຈາກສະຖານະພາບຍດອຍພັດທະນາ, ສ້າງບາດກ້າວຂ້າມຜ່ານຈາກຄວາມຕ້ອຍພັດທະນາ ເຮັດໃຫ້ຊົນນະບົດໄດ້ຮັບການພັດທະນາ, ເຮັດໃຫ້ສັງຄົມຢູ່ດີ-ກິນດີເທື່ອລະກ້າວ.
ສອງ: ການພັດທະນາເສດຖະກິດ ຕ້ອງໄປຄຽງຄູ່ກັບການພັດທະນາສັງຄົມ ແລະ ຕິດພັນກັບການປົກປັກຮັກສາສິ່ງແວດລ້ອມຕາມທິດຫັນເປັນສີຂຽວ-ຍືນຍົງ
ສາມ: ພັດທະນາລະບົບການຄຸ້ມຄອງ ແລະ ລະບອບການບໍລິຫານລັດ ດ້ວຍກົດໝາຍ ໃຫ້ມີຄວາມສັກສິດ ຕາມທິດເສີມສ້າງຄວາມສາມາດ ຂອງການຄຸ້ມຄອງມະຫາພາກ ແລະ ທິດ 3 ສ້າງ ໃຫ້ມີຄວາມເຂັ້ມແຂງໜັກແໜ້ນ.
ສີ່: ເພີ່ມທະວີການຮ່ວມມື, ການເຊື່ອມໂຍງ-ເຊື່ອມຈອດກັບພາກພື້ນ ແລະ ສາກົນ ດ້ວຍຫຼາຍຮູບແບບ ຢ່າງເປັນເຈົ້າການ ຕ່າງຝ່າຍຕ່າງມີຜົນປະໂຫຍດ.
ຮຽກຮ້ອງມາຍັງ ຖັນແຖວພະນັກງານ, ສະມາຊິກພັກທີ່ໜຸ່ມແໜ້ນທຸກຖ້ວນໜ້າ ຈຶ່ງເຊີດຊູມານະຈິດປະຕິວັດ, ຕັ້ງໜ້າຄົ້ນຄວ້າຮໍ່າຮຽນເອົາຄວາມຮູ້ ທາງດ້ານວິທະຍາສາດ-ເຕັກນິກ, ຕະລຸມມອນ ເຂົ້າໃນສະໜາມຮົບ ຕໍ່ສູ້ຕ້ານຄວາມທຸກຍາກຫລ້າຫລັງ, ຄວາມຫຍໍ້ທໍ້ ແລະ ຄວາມອະຍຸຕິທໍາ ໃນສັງຄົມ ເຮັດໃຫ້ພັກເຮົາ ສືບຕໍ່ເຂັ້ມແຂງເຕີບໃຫຍ່ຂຶ້ນ ເພື່ອນໍາເອົາປະເທດຊາດ ກໍ່ຄືແຂວງສາລະວັນ ສັນແສນຮັກຂອງພວກເຮົາ ກ້າວສູ່ຄວາມມັ່ງຄັ່ງເຂັ້ມແຂງລົງ.
ຮຽກຮ້ອງ ມາຍັງປະຊາຊົນລາວບັນດາເຜົ່າ ຈຶ່ງອອກແຮງເສີມຂະຫຍາຍມູນເຊື້ອຮັກຊາດ, ຮັກລະບອບ ໃໝ່, ມູນເຊື້ອສາມັກຄີປອງດອງ, ປະຕິບັດສິດເປັນເຈົ້າປະເທດຊາດ ຢ່າງແຂງແຮງ, ເປັນເຈົ້າການ ເຂົ້າຮ່ວມຕິດຕາມ, ກວດກາການເຄື່ອນໄຫວຂອງພັກ ແລະ ຂອງສະມາຊິກພັກ ຢ່າງເປັນປົກກະຕິ, ຊ່ວຍເຫຼືອພັກ ແລະ ສະມາຊິກພັກ ເສີມຂະຫຍາຍຈຸດດີ, ດັດແປງ, ແກ້ໄຂຈຸດອ່ອນ ແລະ ຂໍ້ຂາດຕົກບົກພ່ອງ ໃຫ້ມີການຫັນປ່ຽນ ໃໝ່ທີ່ຈະເຈ້ງ
ໃນຕອນທ້າຍ, ພິທີຍັງໄດ້ມີພິທີມອບ-ຮັບຫຼຽນໄຊ 70 ປີໃຫ້ແກ່ພະນັກງານນໍາຂອງແຂວງ, ພະນັກງານອາວຸໂສບໍານນານ ທີ່ມີຜົນງານດີເດັ່ນ ເຊິ່ງເປັນກຽດຂອງສະຫາຍ ປອ ດາວວົງ ພອນແກ້ວ ເລຂາພັກ-ເຈົ້າແຂວງສາລະວັນ ແລະ ສະຫາຍ ສີເຮັງ ຫອມສົມບັດ ຮອງເລຂາພັກແຂວງ, ປະທານສະພາປະຊາຊົນແຂວງຕື່ມອີກ.
