ມາໃນວັນທີິ 22 ພຶດສະພາ 2024 ໜ່ວຍພັກຮາກຖານ ຄະນະໂຄນາອົບຮົມແຂວງສາລະວັນ ໄດ້ດໍາເນີນຊີວິດການເມືອງ ປະຈໍາເດືອນພຶດສະພາ 2024 ແລະ ວາງທິດ ທາງແຜນການ ປະຈໍາເດືອນ ມິຖຸນາ 2024 ຢູ່ທີ່ຫ້ອງການຄະນະໂຄສະນາອົບຮົມແຂວງ ໂດຍການເປັນປະທານ ຂອງສະຫາຍ ຄໍາພູນ ຈັນທະລາດ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ມີບັນດາສະຫາຍ ຄະນະພັກ, ສະມາຊິກພັກ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.
ໃນບັ້ນດໍາເນີນຊີວິດການເມືອງຄັ້ງນີ້, ສະຫາຍ ນາງ ບຸຜາ ສຸດທິຈັກ ຄະນະໜ່ວຍພັກຮາກຖານ, ຫົວໜ້າຫ້ອງການ ຄະນະໂຄສະນາອົບຮົມແຂວງ ໄດ້ຂຶ້ນຜ່ານບົດ
ລາຍງານການເມືອງ ປະຈໍາເດືອນພຶດສະພາ ແລະ ວາງທິດທາງແຜນການປະຈໍາເດືອນ ມິຖຸນາ 2024. ຫຼັງຈາກນັ້ນ, ປະທານກອງປະຊຸມໄດ້ມີຄໍາເຫັນເຈາະຈີ້ມຂອດທີ່ຍັງຄົງຄ້າງ ເພື່ອພ້ອມກັນປັບປຸງແກ້ໄຂໃຫ້ດີຂຶ້ນ. ຈາກນັ້ນ, ບັນດາສະຫາຍສະມາຊິກພັກ ກໍ່ໄດ້ມີຄໍາເຫັນແລກປ່ຽນ ຕາມກົດລະບຽບຂອງພັກປະຊາຊົນປະຕິວັດລາວ ຢ່າງມີຫຼັກການຂອງພັກ.
