ຫນ່ວຍພັກ ຮາກຖານຄະນະໂຄສະນາອົບຮົມແຂວງສາລະວັນ ດຳເນີນຊີວິດການເມືອງ ປະຈໍາເດືອນສິງຫາ 2024
ມາໃນຕອນເຊົ້າຂອງວັນທີິ 21 ພຶດສະພາ 2024 ໜ່ວຍພັກຮາກຖານ ຄະນະໂຄນາອົບຮົມແຂວງສາລະວັນ ໄດ້ດໍາເນີນຊີວິດການເມືອງ ປະຈໍາເດືອນສິງຫາ 2024 ແລະ ວາງທິດທາງແຜນການ ປະຈໍາເດືອນ ກັນຍາ 2024 ຢູ່ທີ່ຫ້ອງການຄະນະໂຄສະນາອົບຮົມແຂວງ ໂດຍການເປັນປະທານ ຂອງສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ແລະ ໃຫ້ກຽດເຂົ້າຮ່ວມຂອງສະຫາຍ ຄໍາພູນ ຈັນທະລາດ ເລຂາໜ່ວຍພັກ, ຮອງຫົວໜ້າຄະນະໂຄສະນາອົບຮົມແຂວງ ມີບັນດາສະຫາຍ ຄະນະພັກ, ສະມາຊິກພັກ ພາຍໃນຄະນະໂຄສະນາອົບຮົມແຂວງ ເຂົ້າຮ່ວມ.
ໃນບັ້ນດໍາເນີນຊີວິດການເມືອງຄັ້ງນີ້, ສະຫາຍ ບຸຜາ ສຸດທິຈັກ ຄະນະໜ່ວຍພັກ, ຫົວໜ້າຫ້ອງການບໍລິຫານ ໄດ້ຂຶ້ນຜ່ານບົດສະຫຼຸບ ປະຈໍາເດືອນສິງຫາ ແລະ ວາງທິດທາງແຜນການປະຈໍາເດືອນ ກັນຍາ 2024. ຫຼັງຈາກນັ້ນ, ປະທານກອງປະຊຸມໄດ້ມີຄໍາເຫັນເຈາະຈີ້ມຂອດທີ່ຍັງຄົງຄ້າງ ເພື່ອພ້ອມກັນປັບປຸງແກ້ໄຂໃຫ້ດີຂຶ້ນ. ຈາກນັ້ນ, ບັນດາສະຫາຍສະມາຊິກພັກ ກໍ່ໄດ້ມີຄໍາເຫັນແລກປ່ຽນ ຕາມກົດລະບຽບຂອງພັກປະຊາຊົນປະຕິວັດລາວ ຢ່າງມີຫຼັກການຂອງພັກ.
