ສາລະວັນ ສ້າງຂະບວນການແຂ່ງຂັນກິລາເປຕັງເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງສາລະວັນ
ແລະ ຕ້ອນຮັບ 2 ວັນປະຫວັດສາດຂອງຊາດຂອງພັກ
ເລີ່ມແຕ່ວັນທີ 4 ສິງຫາ 2025 ເປັນຕົ້ນໄປ ຄະນະຮັບຊອບການສ້າງຂະບວນການກິລາ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງສາລະວັນ ແລະ ຕ້ອນຮັບ 2 ວັນປະຫວັດສາດຂອງຊາດຂອງພັກ ຈັດການແຂ່ງຂັນກິລາເປຕັງ ໄດ້ເລີ່ມເປີດເດີ່ນທໍາການແຂ່ງຂັນກິລາເປຕັງ ທີ່ເດີ່ນກິລາຂອງແຂວງ ( ເດີ່ນນາໂຄກ ) ໃນເວລາ 8:00 ໂມງເປັນຕົ້ນໄປ; ໃນການແຂ່ງຂັນຈະມີ 50 ທິມເຂົ້າຮ່ວມ ປະກອບມີ: ຮຸ່ນການນໍາພະແນການ ມີ 20 ທິມ, ທິມວິຊາການຊາຍທົ່ວໄປ 14 ທິມ ແລະ ທິມວິຊາການຍິງ ທົ່ວໄປ 16 ທິມ. ທິມໃດຊະນະເລີດ ອັນດັບ 1 ໄດ້ຮັບຂັນລາງວັນ 1 ໜ່ວຍ ພ້ອມເງີນລາງວັນ.
ຈຸດປະສົງໃນການຈັດງານໃນຄັ້ງນີ້, ແມ່ນ ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫ່ຍຄັ້ງທີ X ຂອງອົງຄະນະພັກແຂວງສາລະວັນ, ເພື່ອເຮັດໃຫ້ພະນັກງານ-ສະມາຊິກພັກ, ປະຊາຊົນບັນດາເຜົ່າ ໃນການຕື່ນຕົວປະຕິບັດໜ້າທີ່ການເມືອງ ກໍຄືການຈັດຕັ້ງຜັນຂະຫຍາຍແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງແຂວງໃຫ້ດີຂື້ນເປັນກ້າວໆ. ທັງເປັນການສ້າງຄວາມຮັດແໜ້ນຄວາມສາມັກຄີພາຍໃນ ແລະ ພາຍນອກ ໃຫ້ນັບມື້ກວ້າງຂວາງ ທັງເປັນການອອກກຳລັງກາຍ ແລະໃຊ້ເວລາຫວ່າງມາຫຼິ້ນກິລາ ໃຫ້ເປັນປະໂຫຍດ ເພື່ອໃຫ້ສຸຂະພາບແຂງແຮງ ແລະ ຫ່າງໄກຈາກສິ່ງເສບຕິດອຶ່ນໆ; ເພື່ອຮັບປະກັນໃຫ້ແກ່ການຈັດຕັ້ງປະຕິບັດມະຕິກອງປະຊຸມໃຫ່ຍຂອງພັກ, ຂອງແຂວງ ໃຫ້ໄດ້ຮັບການຈັດຕັ້ງຜັນຂະຫຍາຍຢ່າງເລີກເຊິ່ງ ດ້ວຍຫຼາຍຮູບແບບ, ຫຼາຍສີ່, ຫຼາຍວິທີ ທັງມີຂະບວນການຟົດຟື້ນກວ້າງຂວາງ ຕໍ່ເນື່ອງ ເຫັນໄດ້ບຸກຄົນຕື່ນຕົວ, ດີເດັ່ນ, ຫ້າວຫັນທີ່ພັກເຮົາ ໄດ້ມອບໝາຍໃຫ້; ເພື່ອເປັນການປຸກລະດົມນໍ້າໃຈເສຍສະຫຼະອັນສູງສົ່ງ ຂອງພະນັກງານ-ສາມາຊິກພັກ.
