ແຂວງສາລະວັນ ສ້າງຂະບວນການແຂ່ງຂັນກິລາບານເຕະ 7 ຄົນ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງສາລະວັນ ແລະ ຕ້ອນຮັບ 2 ວັນປະຫວັດສາດຂອງຊາດຂອງພັກ
ເລີ່ມແຕ່ວັນທີ 30 ກໍລະກົດ 2025 ເປັນຕົ້ນໄປ ຄະນະຮັບຊອບການສ້າງຂະບວນ ການ ກິລາ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ X ຂອງອົງຄະນະພັກແຂວງສາລະວັນ ແລະ ຕ້ອນຮັບ 2 ວັນປະຫວັດສາດຂອງຊາດຂອງພັກ ຈັດການແຂ່ງຂັນກິລາ ຟຸດຊໍ 7 ຄົນ ໄດ້ເລີ່ມເປີດເດີ່ນທໍາການແຂ່ງຂັນກິລາບານເຕະ ຟຸດຊໍ 7 ຄົນ ທີ່ເດີ່ນກິລາສິນສະໄໝ ໃນເວລາ 4:00 ໂມງເປັນຕົ້ນໄປ; ໃນການແຂ່ງຂັນຈະມີ 25 ທິມເຂົ້າຮ່ວມ ປະກອບມີ: 1. ທິມ ຍທຂ ແຂວງ, 2. ຄະນະໂຄສະນາອົບຮົມແຂວງ, 3.ສະມາຄົມຫວຽດນາມ,4. ສສງ ວັນ ໃໝ່, 5.ພະແນກສາທາລະນະສຸກແຂວງ, 6. ພາສີປະຈໍາແຂວງ, 7. ພະແນກສຶກສາທິການ ແລະ ກິລາແຂວງ, 8. ພະແນກແຜນການ ແລະ ການລົງທຶນແຂວງ, 9. ນັກທຸລກິດ, 10. ຄະນະຈັດຕັ້ງແຂວງ, 11. ທະນາຄານການຄ້າ, 12. ລາວໂທລະຄົມ, 13. ຫ້ອງວ່າການແຂວງ, 14. ວິທະຍາໄລຄູແຂວງ, 15. ພະແນກຊັບພະຍາກອນ, 16. ທະຫານແຂວງ, 17. ພະແນກກະສິກໍາ ແລະ ປ່າໄມ້ແຂວງ, 18. ພະແນກການເງິນແຂວງ, 19. ອົງການຈັດຕັ້ງມະຫາຊົນ, 20. ເມືອງສາລະວັນ, 21. ພະແນກອຸດສາຫະກໍາ ແລະ ການຄ້າແຂວງ, 22. ພະແນກພະລັງງານ ແລະ ບໍ່ແຮ່ແຂວງ, 23. ປກສແຂວງ, 24. ປົກປ້ອງກົດໝາຍ ແລະ 25 ທິມໂຮງໝໍແຂວງ.
ທິມໃດຊະນະເລີດ ອັນດັບ 1 ໄດ້ຮັບຂັນລາງວັນ 1 ໜ່ວຍ ພ້ອມເງີນລາງວັນ ຈໍານວນໜຶ່ງ ພິເສດຈະມີລາງວັນດາວສັນໂວ ດາວຍິງສຸງສຸດ ແລະ ຜູ້ຮັກສາປະຕູຍອດຢຽ້ມ.
ຈຸດປະສົງໃນການຈັດງານໃນຄັ້ງນີ້, ແມ່ນ ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫ່ຍຄັ້ງທີ X ຂອງອົງຄະນະພັກແຂວງສາລະວັນ, ເພື່ອເຮັດໃຫ້ພະນັກງານ-ສະມາຊິກພັກ, ປະຊາຊົນບັນດາເຜົ່າ ໃນການຕື່ນຕົວປະຕິບັດໜ້າທີ່ການເມືອງ ກໍຄືການຈັດຕັ້ງຜັນຂະຫຍາຍແນວທາງຂອງພັກ, ແຜນພັດທະນາເສດຖະກິດ-ສັງຄົມຂອງແຂວງໃຫ້ດີຂື້ນເປັນກ້າວໆ. ທັງເປັນການສ້າງຄວາມຮັດແໜ້ນຄວາມສາມັກຄີພາຍໃນ ແລະ ພາຍນອກ ໃຫ້ນັບມື້ກວ້າງຂວາງ ທັງເປັນການອອກກຳລັງກາຍ ແລະໃຊ້ເວລາຫວ່າງມາຫຼິ້ນກິລາ ໃຫ້ເປັນປະໂຫຍດ ເພື່ອໃຫ້ສຸຂະພາບແຂງແຮງ ແລະ ຫ່າງໄກຈາກສິ່ງເສບຕິດອຶ່ນໆ; ເພື່ອຮັບປະກັນໃຫ້ແກ່ການຈັດຕັ້ງປະຕິບັດມະຕິກອງປະຊຸມໃຫ່ຍຂອງພັກ, ຂອງແຂວງ ໃຫ້ໄດ້ຮັບການຈັດຕັ້ງຜັນຂະຫຍາຍຢ່າງເລີກເຊິ່ງ ດ້ວຍຫຼາຍຮູບແບບ, ຫຼາຍສີ່, ຫຼາຍວິທີ ທັງມີຂະບວນການຟົດຟື້ນກວ້າງຂວາງ ຕໍ່ເນື່ອງ ເຫັນໄດ້ບຸກຄົນຕື່ນຕົວ, ດີເດັ່ນ, ຫ້າວຫັນທີ່ພັກເຮົາ ໄດ້ມອບໝາຍໃຫ້; ເພື່ອເປັນການປຸກລະດົມນໍ້າໃຈເສຍສະຫຼະອັນສູງສົ່ງ ຂອງພະນັກງານ-ສາມາຊິກພັກ.
