ຄະນະວິຊາການ ວຽກງານຕິດຕາມ, ເກັບກໍາສະພາບແນວຄິດຫາງສຽງສັງຄົມຂັ້ນແຂວງ ຝຶກອົບຮົມວຽກງານຫາງສຽງ-ສັງຄົມ ທີ່ແຂວງກວາງຈິ ສສ ຫວຽດນາມ.
ມາໃນລະຫວ່າງວັນທີ 20-22/6/2024 ນີ້, ຄະນະວິຊາການວຽກງານຕິດຕາມ, ເກັບກໍາສະພາບແນວຄິດຫາງສຽງສັງຄົມຂັ້ນແຂວງ ເຊິ່ງນໍາໂດຍທ່ານ ນາງ ບົວໄທ ຄຸນທະບົວໄຂ ຫົວໜ້າຂະແໜງ ສັງລວມຫາງສຽງສັງຄົມແລະ ຂໍ້ມູນຂ່າວສານ ຄະນະໂຄສະນາອົບຮົມແຂວງສາລະວັນ ພ້ອມດ້ວຍທິມງານ ແຫ່ງ ສປປລາວ ໄດ້ເຂົ້າຝຶກອົບຮົມວິທີການເກັບກໍາສະພາບແນວຄິດຫາງສຽງ-ສັງຄົມ ແລະ ການຕອບໂຕ້ການໃສ່ຮ້າຍປ້າຍສີ ຂອງກຸ່ມຄົນບໍ່ຫວັງດີ ຕໍ່ການນໍາພາຂອງພັກ ແລະ ການຄຸ້ມຄອງຂອງລັດ ຜ່ານສື່ສັງຄົມອອນລາຍ ຢູ່ທີ່ຫ້ອງການ ຄະນະໂຄສະນາ-ສຶກສາແຂວງກວາງຈິ ສສ ຫວຽດນາມ. ພິທີດັ່ງກ່າວ, ໂດຍການໃຫ້ກຽດເປັນປະທານ ແລະ ກ່າວເປີດຂອງທ່ານ ຂອງທ່ານ ໂຮ່ດາຍນາມ ຄະນະປະຈໍາພັກແຂວງ,
ຫົວໜ້າຄະນະໂຄສະນາອົບຮົມແຂວງກວາງຈິ ແຫ່ງ ສສ ຫວຽດນາມ ມີບັນດາທ່ານ ແຂກຖືກເຊີນ ຈາກຫ້ອງວ່າການແຂວງ, ປກສແຂວງກວາງຈິ, ພະນັກງານ-ຫຼັກແຫຼ່ງ ພາຍຄະນະໂຄສະນາສຶກສາແຂວງ ກວາງຈິ ເຂົ້າຮ່ວມ. ໃນບັ້ນຝຶກຮົມດັ່ງກ່າວມີນັກວິທະຍາກອນ ທັງໝົດ 3 ທ່ານ ມາຈາກຄະນະໂຄສະນາ-ສຶກສາແຂວງກວາງຈິ ແລະ ມີນັກສໍາມະນາກອນ ຈາກ ສປປລາວ ທັງໝົດ 6 ທ່ານ, ຍິງ 2 ທ່ານ ປະກອບມີ: ຄະນະໂຄສະນາອົບຮົມແຂວງສາລະວັນ ມີ 3 ທ່ານ, ຍິງ 1 ທ່ານ, ຫ້ອງວ່າການແຂວງ ມີ 1 ທ່ານ, ປກສ ແຂວງ ມີ 1 ທ່ານ ແລະ ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ມີ 1 ທ່ານ. ສໍາລັບເອກະສານ ທີ່ນໍາໃຊ້ໃນບັນຝຶກອົບຮົມ ປະກອບມີ 3 ຫົວຂໍ້ຄື: ຫົວຂໍ້ທີ 1: ວິທີການເກັບກໍາ, ສັງລວມຄົ້ນຄວ້າ, ສຶກສາບັນດາຫາງສຽງ-ສັງຄົມ; ຫົວຂໍ້ທີ 2: ວິທີຕໍ່ຕ້ານ, ປະຕິເສດບັນດາທັດສະນາຜິດເຂວ, ປະສົບການໃນການຈັດຕັ້ງປະຕິບັດ, ການປະສານກໍາລັງຕໍ່ສູ່ຕອບຕ້ານ ຢູ່ບັນດາສື່ສັງຄົມອອນລາຍ ຫົວຂໍ້ທີ 3 ວິີທີການໂຄສະນາເຜີຍແຜ່ຜ່ານສື່ສັງຄົມອອນລາຍ, ທັກສະໃນການສ້າງ, ຕົບແຕ່ງຮູພາບ,ວິດີໂອ ເພື່ອໂຄສະນາເຜີບແຜ່ຂໍ້ມູນຂ່າວສານໃນດ້ານຕັ້ງໜ້າ
ໃນການເດີນທາງໄປຝຶກອົບຮົມຄັ້ງນີ້, ບັນດາທິມງານຝຶກອົບຮົມ ໄດ້ໄປທັດສະນະສຶກສາຢູ່ສູນຄວບຄຸມຂໍ້ມູນສູນ IOC ທີ່ທັນສະໄໝ
ຂອງພະແນກຖະແຫຼງຂ່າວ ແລະ ສື່ສານແຂວງ ເຊິ່ງເປັນກຽດຕ້ອນຮັບ ແລະ ນໍາສະເໜີປະຫວັດຄວາມເປັນມາໂດຍຫຍໍ້ ຂອງ ທ່ານ ນາງ ຫວຽນທີເລຮັງ ຫົວໜ້າສູນຄວບຄຸມຂໍ້ມູນສູນ IOC ທີ່ທັນສະໄໝ ຂອງພະແນກຖະແຫຼງຂ່າວ ແລະ ສື່ສານແຂວງ. ສູນຄວບຄຸມປ້ອງກັນປະກົດການຫຍໍ້ທໍ້ຂັ້ນແຂວງນີ້ ເປັນສູນທີ່ສາມາດຄວບຄຸ້ມໄດ້ 7 ຂົງເຂດວຽກງານຄື: ຂົງເຂດການພັດທະນາເສດຖະກິດ-ສັງຄົມ; ຂົງເຂດການຮັກສາຄວາມສະຫຼົບ ທົ່ວເມືອງດົງຮ່າ; ຂົງເຂດການຈາລະຈອນ; ຂົງເຂດສາທາລະນະສຸກ; ຂົງເຂດການສຶກສາ; ຂົງເຂດທາງສິ່ງແວດລ້ອມ ແລະ ຂົງເຂດບໍລິຫານສາທາລະນະ, ຫຼັງຈາກນັ້ນ ມາໃນຕອບບ່າຍຂອງມື້ດຽນກັນນັ້ນ, ຄະນະທິມງານຝຶກອົບຮົມ ໄດ້ໄປຮ່ວມວາງພວງມາລາ ຢູ່ອະນຸສອນສະຖານນັກຮົບນິລະນາມ ຂອງແຂວງກວາງຈິ ຕື່ມອີກ.
ບັ້ນຝຶກອົບຮົມດັ່ງກ່າວ ເລີ່ມວັນທີ 20-22/6/2024 ຈິ່ງປິດລົງດ້ວຍຜົນສໍາເລັດຢ່າງຈົບງາມ