ຄະນະນໍາ ຄະນະໂຄສະນາອົບຮົມແຂວງສາລະວັນ ເຂົ້າຮ່ວມງານບຸນປະເພນີແຫ່ພຣະໄຕຣປີດົກ ສືບສານວັດທະນະທຳລຳວົງສາລະວັນ ປະຈຳປີ 2024
ງານບຸນປະເພນີແຫ່ພຣະໄຕຣປີດົກ ສືບສານວັດທະນະທຳລຳວົງສາລະວັນ ປະຈຳປີ 2024 ທີ່ແຂວງສາລະວັນ ເປີດຂຶ້ນຢ່າງເປັນທາງການແລ້ວ ໃນຕອນເຊົ້າຂອງວັນທີ 22 ພະຈິກ 2024 ນີ້, ໂດຍການເຂົ້າຮ່ວມຂອງ ທ່ານ ປອ ດາວວົງ ພອນແກ້ວ ເຈົ້າແຂວງໆສາລະວັນ, ທ່ານ ນາງ ດາລານີ ພົມມະວົງສາ ເປັນຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ມີພຣະເຖລານຸເຖລະ, ບັນດາການນຳຂອງແຂວງ, ສໍາລັບທ່ານ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ບັນດາເມືອງ, ອາດີດການນໍາຂອງແຂວງ, ຄອບຄົວການນໍາ, ມວນຊົນພາຍໃນແຂວງສາລະວັນ ເຂົ້າຮ່ວມຢ່າງຫຼວງຫຼາຍ.
ໃນພິທີ, ທ່ານ ປອ ດາວວົງ ພອນແກ້ວ ເຈົ້າແຂວງໆສາລະວັນ ໄດ້ກ່າວເປີດງານ ຢ່າງເປັນທາງການ ວ່າ: ການຈັດງານດັ່ງກ່າວຂຶ້ນ ກໍ່ເພື່ອເປັນຊຸກຍູ້, ສົ່ງເສີມ ແລະ ການອະນຸລັກຮັກສາວັດທະນະທຳ.
