ສາລະວັນ ຈັດພິທີປະກາດພະນັກງານ-ນໍາພາຄຸ້ມຄອງ ອອກພັກການຮັບອຸດໜູນບໍານານ ແລະ ແຕ່ງຕັ້ງວ່າການຫົວໜ້າພະແນກທົດແທນ, ຍົກຍ້າຍ, ແຕ່ງຕັ້ງຂັ້ນຫົວໜ້າ-ຮອງຫົວໜ້າພະແນກການ ແລະ ອົງການຈັດຕັ້ງມະຫາຊົນ

ສາລະວັນ ຈັດພິທີປະກາດພະນັກງານ-ນໍາພາຄຸ້ມຄອງ ອອກພັກການຮັບອຸດໜູນບໍານານ ແລະ ແຕ່ງຕັ້ງວ່າການຫົວໜ້າພະແນກທົດແທນ, ຍົກຍ້າຍ, ແຕ່ງຕັ້ງຂັ້ນຫົວໜ້າ-ຮອງຫົວໜ້າພະແນກການ ແລະ  ອົງການຈັດຕັ້ງມະຫາຊົນ

ພິທີປະກາດພະນັກງານ-ນໍາພາຄຸ້ມຄອງ ອອກພັກການຮັບອຸດໜູນບໍານານ ແລະ ແຕ່ງຕັ້ງວ່າການຫົວໜ້າພະແນກທົດແທນ, ຍົກຍ້າຍ, ແຕ່ງຕັ້ງຂັ້ນຫົວໜ້າ-ຮອງຫົວໜ້າພະແນກການ ແລະ  ອົງການຈັດຕັ້ງມະຫາຊົນ ໄດ້ຈັດຂື້ນໃນວັນທີ 20 ກຸມພາ 2025 ທີ່ຫ້ອງປະຊຸມ VIP ສະໂມສອນໃຫຍ່ຂແງອຂວງ, ໂດຍການເປັນປະທານຂອງ ສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ, ຜູ້ຊີ້ນໍາຂົງເຂດການເມືອງ-ແນວຄິດ, ວຽກພັກ-ພະນັງານ ໃຫ້ກຽດເຂົ້າຮ່ວມ ຂອງສະຫາຍ ຄໍາຕາ ໂຮຊົງເລື່ອງ ຄະນະປະຈໍາພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນໍາອົງການຈັດຕັ້ງມະຫາຊົນ ມີບັນດາສະຫາຍກໍາມະການພັກແຂວງ, ພະນັກງານ-ຫຼັກແຫຼ່ງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ສະຫາຍ ພານິດ ແກ້ວພິມານ ຮອງຫົວໜ້າພະແນກພາຍໃນແຂວງ ກໍ່ໄດ້ຜ່ານມະຕິຕົກລົງ ວ່າດ້ວຍ: ອະນຸມັດໃຫ້ພະນັກງານການນໍາຂອງແຂວງ ຈໍານວນໜື່ງ ອອກພັກການ ຮັບອຸດໜູນບໍານານ; ຈາກນັ້ນ, ໃນພິທີສະຫາຍ ຄໍາເບົາ ໄຊຍະສິດ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານມະຕິຕົກລົງວ່າດ້ວຍ: ການແຕ່ງຕັ້ງວ່າການຫົວໜ້າພະແນກທົດແທນ, ຍົກຍ້າຍ, ແຕ່ງຕັ້ງຂັ້ນຫົວໜ້າ-ຮອງຫົວໜ້າພະແນກການ ແລະ  ອົງການຈັດຕັ້ງມະຫາຊົນ ຈໍານວນໜື່ງ ໃນນັ້ນ ສະຫາຍ ຍັງໄດ້ຜ່ານມະຕິຕົກລົງ ສະບັບເລກທີ 67/ຈພຂ,ສວ, ລົງວັນທີ 3 ກຸມພາ 2025 ວ່າດ້ວຍ ການແຕ່ງຕັ້ງຮອງຫົວໜ້າຄະນະໂຄສະນາອົບຮົມແຂວງສາລະວັນ ເຊິ່ງມີເນື້ອໃນດັ່ງນີ້: ຄະນະປະຈໍາພັກແຂວງສາລະວັນ ຕົກລົງ ແຕ່ງຕັ້ງ ສະຫາຍ ຈັນທະວອນ ສີຫາຈັກ ເປັນຮອງຫົວໜ້າຄະນະໂຄສະນາອົບຮົມແຂວງສາລະວັນ.

ໃນຕອນທ້າຍ ສະຫາຍ ນາງ ບຸນທະວີ ດວງລາສີ ຍັງໄດ້ໃຫ້ກຽດໂອ້ລົມ ເຊິ່ງສະຫາຍກ່າວວ່າ: ການຮັບອຸດໜູນບໍານານ, ການສັບຊ້ອນ ແລະ ປັບປຸງການຈັດຕັ້ງແມ່ນກົດເກນ ທີ່ຈະຕ້ອງໄດ້ປະຕິບັດຢູ່ໃນທຸກໆການຈັດຕັ້ງແຕ່ລະຂັ້ນ, ເພື່ອເຮັດໃຫ້ວຽກງານມີການພັດທະນາທີ່ເຂັ້ມແຂງ; ຜູ້ທີ່ຖືກແຕ່ງຕັ້ງຄັ້ງນີ້ ໄດ້ຜ່ານການຄົ້ນຄວ້າພິຈາລະນາ ຢ່າງລະອຽດຈາກຄະນະພັກຂັ້ນເທິງ ແລະ ເປັນຜູ້ທີ່ໄດ້ຮັບຄວາມໄວ້ວາງໃຈຈາກໝູ່ຄະນະ, ເປັນຜູ້ທີ່ມີຄວາມຮູ້ຄວາມສາມາດ, ທ່ານຍັງໄດ້ຮຽກຮ້ອງໃຫ້ຜູ້ທີ່ໄດ້ຮັບການແຕ່ງຕັ້ງຄັ້ງນີ້ ຈົ່ງເຮັດໜ້າທີ່ຂອງຕົນດ້ວຍຄວາມຮັບຜິດຊອບສູງ, ສະເໝີຕົ້ນສະເໝີປາຍ, ເອົາໃຈໃສ່ສ້າງຄວາມສາມັກຄີ.