ຄະນະບໍລິຫານງານພັກເມືອງສາລະວັນ ດຳເນີນຊີວິດການເມືອງທ້າຍສະໃໝທີ IX
ຄະນະບໍລິຫານງານພັກເມືອງສາລະວັນ ດຳເນີນຊີວິດການເມືອງທ້າຍສະໃໝທີ IX ຕິດພັນກັບການທາບທາມຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມ, ຮ່າງບົດສໍາຫຼວດການນໍາພາລວມ ແລະ ທາບທາມບຸກຄະລາກອນ ທີ່ຈະອອກຮັບສະໝັກເລືອກຕັ້ງເຂົ້າໃນຄະນະບໍລິຫານງານພັກເມືອງ ສະໄໝທີ X ຮອບທີ III ກອງປະຊຸມດັ່ງກ່າວ ໄດ້ຈັດຂື້ນວັນທີ 11 ມີນາ 2025 ທີ່ສະໂມສອນຂອງເມືອງ, ໂດຍໃຫ້ກຽດເຂົ້າຮ່ວມຂອງສະຫາຍ ສົມໃຈ ອຸ່ນຈິດ ຮອງເຈົ້າແຂວງ, ຜູ້ຊີ້ນໍາຂົງເຂດວັດທະນະທໍາສັງຄົມ, ສະຫາຍ: ຈັນສະໝອນ ພົມມະແສງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ, ຮອງຫົວໜ້າອະນຸໂຄສະນາອົບຮົມ, ຂະບວນການ ແລະ ຍ້ອງຍໍຂັ້ນແຂວງ, ມີສະຫາຍ ຈັນສີລອນ ສີສົມບູນ ກຳມະການພັກແຂວງ ເລຂາຄະ ນະບໍລິຫານງານພັກເມືອງສາລະວັນ, ມີບັນດາສະຫາຍ ຢູ່ໃນອະນຸກຳມະການ ຮັບຜິດຊອບຕ່າງໆຂັ້ນແຂວງ ພ້ອມດ້ວຍບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ເລຂາໜ່ວຍພັກ ອ້ອມຂ້າງເມືອງ, ເລຂາພັກບ້ານ ເຂົ້າຮ່ວມ.
ໂດຍປະຕິບັດຕາມຄໍາສັ່ງວ່າ ດ້ວຍການກະກຽມ ແລະ ດຳເນີນກອງປະຊຸມໃຫ່ຍ 3 ຂັ້ນຂອງພັກ, ຄຳແນະນຳວ່າດ້ວຍການກະກຽມ ແລະ ດຳເນີນກອງປະຊຸມທ້າຍສະໄໝ, ເປັນການກວດກາຕີລາຄາຄືນການນຳພາ-ຊີ້ນຳຂອງຄະນະພັກຢ່າງຮອບດ້ານ ໃຫ້ມີຄວາມຖືກຕ້ອງຢ່າງພາວະວິໃສ ເພື່ອກຳນົດທິດທາງລວມ, ໜ້າທີ່ ແລະ ຄາດໝາຍສູ້ຊົນໃນແຕ່ລະດ້ານຂອງຄະນະພັກຮາກຖານ, ສາມາດຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ແລະ ເພື່ອກຽມຄວາມພ້ອມກ້າວເຂົ້າສູ່ການດຳເນີນກອງປະຊຸມໃຫ່ຍຂອງຄະນະໜ່ວຍພັກ, ຄະນະພັກຮາກຖານ, ຖືເອົາການແລກປ່ຽນເນື້ອໃນ, ປະກອບຄຳເຫັນ ແນໃສ່ປັບປຸງໃຫ້ຄົບຖ້ວນສົມບູນ ເປັນຕົ້ນ: ຮ່າງລາຍງານການເມືອງ, ຮ່າງບົດສຳຫຼວດການນຳພາລວມ, ຮ່າງຕີລາຄາແຜນພັດທະນາຂະແໜງການ ແລະ ທາບທາມບຸກຄະລາກອນເຂົ້າໂຄງປະກອບ, ໃນກອງປະຊຸມ ຍັງໄດ້ຜ່ານຄຳແນະນຳຂອງຄະນະກວດກາພັກແຂວງສາລະວັນເລກທີ 225 ກ່ຽວກັບການກະກຽມ ແລະ ດໍາເນີນຊີວິດການເມືອງທ້າຍສະໄໝ ເພື່ອກ້າວເຂົ້າສູ່ການດຳເນີນກອງປະຊຸມໃຫ່ຍ 3 ຂັັ້ນຂອງພັກ.
ໃນກອງປະຊຸມສະຫາຍ ຈັນສະໝອນ ພົມມະແສງ ໄດ້ໃຫ້ເຊື່ອມຊຶມເນື້ອໃນເອກະ ສານ 3 ບົດຄື: ຮໍ່າຮຽນເອົາແບບແຜນວິທີເຮັດວຽກ ແລະ ຄຸນສົມບັດສິນທໍາປະຕິວັດ ຂອງປະທານໄກສອນ ພົມວິຫານ; ຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສະທໍາປະຕິວັດ ຂອງພະນັກງານ, ສະມາຊິກພັກ ແລະ ເອກະສານມາດຖານຂອງພະນັກງານ, ສະມາຊິກພັກ ໃນເງືື່ອນໄຂໃໝ່.
ຈາກນັ້ນ ຈະໄດ້ຜ່ານຮ່າງລາຍງານການເມືອງ ແລະ ທິດທາງແຜນການ, ຮ່າງແຜນພັດທະນາເສດຖະກິດ-ສັງຄົມ, ບົດສຳຫຼວດການນຳພາລວມ ຂອງອົງຄະນະພັກເມືອງ, ແບ່ງຈຸດຳເນີນຊີວິດການເມືອງ ເພື່ອຕຳນິສົ່ງຂ່າວກໍ່ສ້າງຊາວຍເຫຼືອເຊິ່ງກັນ ແລະ ກັນ ບົນຫຼັກການຂອງພັກ, ຜ່ານມາດຖານເງື່ອນໄຂຂອງຄະນະບໍລິຫານງານພັກເມືອງ, ຄະນະປະຈໍຳພັກເມືອງ, ເລຂາ, ຮອງເລຂາພັກເມືອງ, ປະທານ ແລະ ຮອງປະທານກວດກາພັກ ແລະ ດຳເນີນການປ່ອນບັດທາບທາມຄະນະບໍລິຫານງານພັກເມືອງ ສະໄໝທີ X ຮອບທີ 3, ກອງປະຊຸມ ແມ່ນດຳເນີນເປັນເວລາ 2 ວັນຈິ່ງຈະສຳເລັດ.