ອົງຄະນະພັກ ກອງບັນຊາການທະຫານແຂວງສາລະວັນ ດໍາເນີນຊີວິດການເມືອງທ້າຍສະໄໝ ທີ V
ມາໃນວັນທີ 19 ມີນາ 2025 ນີ້, ອົງຄະນະພັກ ກອງບັນຊາການທະຫານແຂວງສາລະວັນ ໄດ້ດໍາເນີນຊີວິດການເມືອງທ້າຍສະໄໝທີ V ຕິດພັນກັບການທາບທາມບຸກຄະລາກອນ ທີ່ອອກສະໝັກເລືອກຕັ້ງ ສະໄໝທີ VI ຮອບທີ III. ກອງປະຊຸມດັ່ງກ່າວ ໄດ້ຈັດຂື້ນທີ່ສະໂມສອນທະຫານແຂວງ ໂດຍການເປັນປະທານຮ່ວມ ຂອງ ສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ, ຜູ້ຊີ້ນໍາວຽກງານການເມືອງ-ແນວຄິດ, ວຽກພັກ-ພະນັກງານ ມີສະຫາຍ ພົ.ວ ພູວັນ ພິມມະຈັນ ຄະນະປະຈໍາພັກແຂວງ, ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ໃຫ້ກຽດເຂົ້າຮ່ວມ ມີສະຫາຍ ຈັນສະໝອນ ພົມມະແສງ ຄະນະປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ, ຮອງຫົວໜ້າອະນຸກໍາມະການໂຄສະນາອົບຮົມ, ຂະບວນການ ແລະ ຍ້ອງຍໍຂັ້ນແຂວງ, ມີສະຫາຍ ຮອງເລຂາຄະນະພັກ, ຄະນະພັກ, 5 ຫ້ອງອ້ອມຂ້າງ, ໂຮງຮຽນນາຍສິບ ໜອງໂພ, ໂຮງໝໍທະຫານແຂວງ, ກອງພັນນ້ອຍ, ກອງຮ້ອຍເອກະລາດທີ່ຂື້ນກັບ, ຕະຫຼອດຮອດສະມາຊິກພັກ ພາຍໃນກອງບັນຊາການທະຫານແຂວງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ໃນກອງປະຊຸມສະຫາຍ ຈັນສະໝອນ ພົມມະແສງ ໄດ້ໃຫ້ເຊື່ອມຊຶມເນື້ອໃນເອກະສານ 3 ບົດ ຄື: ຮໍ່າຮຽນເອົາແບບແຜນວິທີເຮັດວຽກ ແລະ ຄຸນສົມບັດສິນທໍາປະຕິວັດ ຂອງປະທານໄກສອນ ພົມວິຫານ; ຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສະທໍາປະຕິວັດ ຂອງພະນັກງານ, ສະມາຊິກພັກ ແລະ ເອກະສານມາດຖານຂອງພະນັກງານ, ສະມາຊິກພັກ ໃນເງືື່ອນໄຂໃໝ່.
ຈາກນັ້ນ ໃນກອງປະຊຸມ ຈະໄດ້ຜ່ານຮ່າງລາຍງານການເມືອງ, ບົດສຳຫຼວດການນຳພາລວມ ຂອງອົງຄະນະພັກທະຫານແຂວງ ແລະ ຈະໄດ້ດຳເນີນການສໍາຫຼວດ ເພື່ອຕຳນິສົ່ງຂ່າວ ກໍ່ສ້າງຊາວຍເຫຼືອເຊິ່ງກັນ ແລະ ກັນ ບົນຫຼັກການຂອງພັກ, ໃນກອງປະຊຸມ ຍັງຈະໄດ້ຜ່ານມາດຖານເງື່ອນໄຂ ຄະນະພັກກອງບັນຊາການທະຫານແຂວງ, ຄະນະປະຈໍາພັກ, ເລຂາ-ຮອງເລຂາພັກ, ປະທານ ແລະ ຮອງປະທານກວດກາພັກ ແລະ ຈະໄດ້ດໍາເນີນການປ່ອນບັດທາບທາມ ຄະນະພັກກອງບັນຊາການທະຫານແຂວງ ສະໄໝທີ VI ຮອບທີ 3, ກອງປະຊຸມ ແມ່ນດຳເນີນເປັນເວລາ 1 ວັນ ຈິ່ງຈະສຳເລັດ.