ຄະນະການນໍາ ແຂວງກວາງຫງາຍ ສສ ຫວຽດນາມ ຢ້ຽມຢາມ ແລະ ອວຍພອນການນໍາ ແຂວງສາລະວັນ ເນື່ອງໃນໂອກາດບຸນປີໃໝ່ລາວ ພສ 2569

ໃນວັນທີ 1 ເມສາ ນີ້ ຄະນະການນໍາ ແຂວງກວາງຫງາຍ ສສ ຫວຽດນາມ ໄດ້ເດີນທາງມາເຄື່ອນໄຫວຢ້ຽມຢາມ ແລະ ອວຍພອນການນໍາແຂວງສາລະວັນ ສປປ ລາວ ເນື່ອງໃນໂອກາດບຸນປີໃໝ່ລາວ ພສ 2569, ເຊີ່ງນໍາໂດຍ ສະຫາຍ ຫງວຽນ ຮ່ວງ ຢາງ ກຳມະການສູນກາງພັກກອມມູນິດ ຫວຽດນາມ, ຮອງເລຂາຄະນະບໍລິຫານງານພັກແຂວງ, ປະທານຄະນະກຳມະການປະຊາຊົນແຂວງກວາງຫງາຍ ພ້ອມດ້ວຍຄະນະນໍາຂອງແຂວງ, ໂດຍໃຫ້ການຕ້ອນຮັບຂອງ ສະຫາຍ ດາວວົງ ພອນແກ້ວ ກຳມະການສູນກາງພັກ, ເລຂາຄະນະບໍລິຫານງານພັກແຂວງສາລະວັນ ພ້ອມຄະນະ ໃຫ້ການຕ້ອນຮັບ ຢູ່ທີ່ສະໂມສອນແຂວງສາລະວັນ.

ໃນໂອກາດນີ້ ສະຫາຍ ຫງວຽນ ຮ່ວງ ຢາງ ກໍ່ໄດ້ສະແດງຄວາມຂອບໃຈຕໍ່ການຕອນຮັບອັນອົບອຸ່ນ ແລະ ສະແດງຄວາມຢື້ຢາມຖາມຂ່າວ ດ້ວຍໄມຕີຈິດມິດຕະພາບອັນດູດດື່ມ, ຄວາມສາມັກຄີຮັກແພງສະໜິດສະໜົມຖານສະຫາຍອ້າຍນ້ອງ, ດ້ວຍຄວາມຈິງໃຈ ພ້ອມທັງລາຍງານສະພາບການພັດທະນາເສດຖະກິດ-ສັງຄົມພາຍໃນແຂວງ ໂດຍຫຍໍ້ໃຫ້ຄະນະການນໍາແຂວງສາລະວັນ ໄດ້ຮັບຊາບ ຈາກນັ້ນກໍໄດ້ອວຍພອນໄຊອັນປະເສີດມາຍັງສະຫາຍເລຂາພັກແຂວງ ພ້ອມດ້ວຍຄະນະນຳ, ຕະຫຼອດຮອດປະຊາຊົນບັນດາເຜົ່າຊາວແຂວງສາລະວັນ ໃນໂອກາດປີໃໝ່ລາວທີ່ມາເຖີງນີ້ ອວຍພອນແດ່ ສະຫາຍພ້ອມດ້ວຍຄະນະຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນໜ້າທີ່ວຽກງານທຸກປະການ, ອວຍພອນສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດເວົ້າລວມ, ເວົ້າສະເພາະກໍຄືແຂວງສາລະວັນ ແລະ ແຂວງກວາງຫງາຍ ໃຫ້ແໜ້ນແຟ້ນຂື້ນເລື້ອຍໆ.

ໃນຕອນທ້າຍ ສະຫາຍ ດາວວົງ ພອນແກ້ວ ກໍ່ໄດ້ລາຍງານສະພາບການພັດທະນາເສດຖະກິດ-ສັງຄົມ ແຂວງ ໂດຍຫຍໍ້ ແລະ ສະແດງຄວາມຂອບໃຈຕໍ່ຄະນະພັກຄະນະນໍາ ແຂວງກວາງຫງາຍ ທີ່ໄດ້ສະຫຼະເວລາອັນມີຄຸນຄ່າເດີນທາງມາຢ້ຽມຢາມ ແລະ ອວຍພອນໃນຄັ້ງນີ້ ພ້ອມທັງຕີລາຄາສູງຕໍ່ໄມຕີຈິດມິດຕະພາບອັນດູດດື່ມ, ຄວາມສາມັກຄີຮັກແພງສະໜິດສະໜົມ, ຄວາມຈິງໃຈ ເຊື່ອໝັ້ນອັນໜັກແໜ້ນຂອງຄະນະພັກ, ອົງການປົກຄອງ ແລະ ປະຊາຊົນແຂວງກວາງຫງາຍ ມາສູ່ຊາວແຂວງສາລະວັນ ເນື່ອງໃນໂອກາດບຸນປີໃໝ່ລາວ. ຄະນະພັກ, ອົງການປົກຄອງແຂວງ ແລະ ປະຊາຊົນບັນດາເຜົ່າຊາວແຂວງສາລະວັນ ທຸກທົ່ວໜ້າ ຂໍອວຍພອນມາຍັງສະຫາຍ ພ້ອມດ້ວຍບັນດາສະຫາຍຄະນະ ຂໍຈົ່ງມີແຕ່ຄວາມຄວາມສຸກກາຍສະບາຍໃຈ, ມີຄວາມຜາສຸກ ແລະ ຈະເລີນກ້າວໜ້າທຸກປະການ ພັດທະນາແຂວງກວາງຫງາຍ ໃຫ້ຈະເລີນຮຸ່ງເຮືອງ ແລະ ກ້າວໄປ.

ພາບ-ຂ່າວ: ສ.ພະຈັນ